Yehova mua tu tangele, ua tu hele vuana vua ku komouesa. Vuana vuka? Ku handeka. Vuno Yehova ua haka seho ku cifua ci tue ku pangeselamo vuana vuaco ni? Eyo, cikuma vene. (Tandenu Tiango 1:26.) Ngeci mukemuo, vati tu hasa ku pangesa vuana vuetu vua ku handeka, mu cifua ce kuya Yehova ku mutima?

1. Vati tu hasa ku pangesa vuana vua ku handeka?

Mbimbiliya ya tu leka nguayo: “Limamunienu umo ku mukuavo na ku litungisa umo ku mukuavo.” (1 Tesalonika 5:11) Aci singaniekenu hali vamo va tondeka ku va kaniamesa. Vati mu hasa ku va kaniamesa? Va lekenu ngecize mua va haka seho ya kama. Citava mu tumbule mpundu vimo via mi lingisa ku va lema. Singaniekenu ha cimo cinimbu ci mu hasa ku kaniamesa naco muntu. Mu Mbimbiliya mua kala vinimbu via vingi vi mu hasa ku hangula. Vulukenu naua ngecize cifua ci mu handekelamo muzimbu, naco ca kala na seho ya kama ngue vene mezi a mu handeka. Ngeci mukemuo, lihakelenu kapandi ka ku handeka na ngozi kaha na civuovuo.—Visimo 15:1.

2. Vika ka tua pandele ku handeka?

Mbimbiliya nguayo: “Lizi lia lipi kati li fume mu tunua tuenu.” (Tandenu Efeso 4:29.) Eci ca lomboloka ngecize ka tua pandele ku handeka na kasahuntu ni mezi eka a ku vihia cipue ku tuka, linga tu vuise muntu ku mutima ku vavala. Cikuavo naua, ka tua pandele ku fueya (ku tuaha) ni ku vangeya muntu.—Tandenu Visimo 16:28.

3. Vika vi hasa ku tu kuasa ku handeka mu cifua ci kaniamesa vakuetu?

Vintsimbu via vingi, viuma vi tue ku handeka vie ku muesa vika vili mu mutima uetu na mu visinganieka vietu. (Luka 6:45) Ngeci mukemuo, tua pande ku lilongesa ku tuala mana ku viuma via cili, via vuviuke, via ku lela, vi muesa cilemo, kaha via lutsimo lua cili. (Filipu 4:8) Linga tu hase ku tuala mana kuli evi, tua pande ku hangula na mana vueho vuetu na vavusamba vetu. (Visimo 13:20) Cikuavo naua ce ku kuasa, ca pua ku singanieka ntsimbu kanda tu handeke. Puenu na ku hilula vati mezi enu a ka kuata ku vakuenu. Mbimbiliya ya muesa ngecize, ku handeka ngoco “ci tuva ngue mukuale; vunoni lilimi lia vakua mangana likelio cihindu.”—Visimo 12:18.

 TANTEKEYENU VIKUAVO

4. Zangamenu na vihandeka vienu

Vintsimbu vimo, tu vose tue ku handeka viuma vi tue ku liveya. (Tiango 3:2) Tandenu Ngalata 5:22, 23, kaha simutuilenu ha vihula evi:

• Cifua cika mu hasa ku vundila ha kati kevi, linga ci mi kuase ku handekesi yenu? Vati evi vifua vi hasa ku mi kuasa?

Tandenu 1 Kolintu 15:33, kaha simutuilenu ha cihula eci:

• Vati cifua ca vavusamba na vueho vu mue ku hangula, vi hasa ku kuata ku handekesi yenu?

Tandenu Ekelesiaste 3:1, 7, kaha simutuilenu ha cihula eci:

• Ha ntsimbu ika ci hasa ku pua ca cili ku holoka ni ku lavelela ntsimbu ya cili ya ku handeka?

 5. Puenu na ku handeka via cili ku tuala hali vakuenu

6. Puenu na ku handeka na cilemo na vusoko vuenu

 VI MU NA LILONGESA

Mezi a kala na ngolo. Ngeci mukemuo, tua pande ku singanieka na civando ha viuma vi tue ku handeka, ntsimbu i tue ku vihandeka na cifua ci tue ku vi handekelamo.

Mpupulule

• Mu vinjila vika mu hasa ku pangesa mezi enu, mu ku kuasa vakuenu?

• Mu tonda ku liniunga ku handekesi ya cifua cika?

• Vika vi hasa ku tu kuasa, linga ntsimbu yose vihandeka vietu vipue via cili kaha vie ku kaniamesa?