Yesu ikeye Mutue ua cikungulukilo. (Efeso 5:23) Lelo lino Yesu na pu Muangana muilu, kaha ue ku tuamenena vakua ku mu kava ha mavu, ku hitila muli “mukuamanda ua cili mukua mana.” (Tandenu Mateo 24:45.) Yesu Kilistu, ikeye mpundu ua hanguile ou “mukuamanda” kaha ua mu hana mpoko ya ku linga vimo vihangula. Vutuhu ngoco, mukuamanda uaco kasi na pande ku ononoka Kilistu na ku pangela vamuanaye ya Kilistu. Mukuamanda uaco ua pua iya? Kaha vati ue ku tu niunga?

1. Iya ua pua “mukuamanda ua cili mukua mana”?

Tunde ku laza, Yehova ue ku pangesa yala umo ni civunga ca vamala mu ku tuamenena vangamba veni ha mavu. (Malakiya 2:7; VaHevelu 1:1) Mu nima ya ku-tsa ca Yesu, vapostolo na vakuluntu mu Yelusalema va putukile ku tuamenena viuma. (Vilinga 15:2) Lelo lino, mu ku kava lungano luaco, kua kala cimo civunga ca cindende ca vakuluntu ci va tumbula nguavo: Civunga ca Vantuamena ca Vakaleho va Yehova. Ce ku tu hana via ku lia via mu lutsilielo na ku tuamenena cipanga ca ku ambulula. Civunga caco, cikeco “mukuamanda ua cili mukua mana” ya hangula Yesu. (Mateo 24:45a) Vose vakua Civunga ca Vantuamena, va pua Vakua Kilistu va ku vuavesa kaha va lavelela ku ka sika na Yesu mu Vuangana vua muilu mu ue ku hua muono uavo ha mavu.

2. Via ku-lia vika via mu lutsilielo ue ku tu hana mukuamanda?

Yesu ua handekele ngueni: “Mukuamanda ua cili” a ka pangela Vakua Kilistu ku lia cavo ha ntsimbu ya ku lia. (Mateo 24:45b) Via ku-lia via ku muvila vie ku tu kuasa ku kala na cihindu, na ku kaniamesa muvila. Na vuno vene, via ku-lia via mu lutsilielo ni nguetu vimamuna via mu Lizi lia Njambi, navio vie ku tu kaniamesa tu tualeleleho ku kakatela kuli Yehova na ku puisamo cipanga ca tu kundika Yesu. (1 Timoteo 4:6) Tue ku tambula via ku-lia viaco, ku hitila mu viuano vietu via mu simano, viuano via limbo na viuano via muhato. Vikuavo co, tue ku vi tambula ku hitila mu mikanda na vivideo vie ku tuhula mukuamanda, vize vie ku tu kuasa ku ivuisisa cizango ca Njambi na ku kaniamesa vusamba vuetu neni.

 TANTEKEYENU VIKUAVO

3. Ka citava vangamba va Yehova va kele mu liuayanga

Ngeci Yesu ue ku pangesa Civunga ca Vantuamena, mu kuendesa mu vutongue vipanga via Vakaleho va Yehova. Vakua Kilistu va ku livanga navo va kele na Civunga ca Vantuamena. Talenu VIDEO.

Tandenu 1 Kolintu 14:33, 40, kaha simutuilenu ha cihula eci:

• Vati evi vinimbu via muesa ngecize Yehova ka tondele Vakaleho veni va kale mu liuayanga?

4. Cipanga ca ku ambulula ce kuenda mu vutongue omo lia mukuamanda ua cili

Cipanga ca seho ya kama ci va lingile Vakua Kilistu va ku livanga, ca puile ku ambulula. Tandenu Vilinga 8:14, 25, kaha simutuilenu ha vihula evi:

• Iya ua tuamenene cipanga ca ku ambulula ku ntsimbu ya Vakua Kilistu va ku livanga?

• Vati Petulu na Yoano va lingile, omo vakuavo vapostolo va va lekele ku linga vimo?

Ku ambulula, cikeco cipanga ca seho ya kama ci ve ku tuamenena vakua Civunga ca Vantuamena. Talenu VIDEO.

 Yesu ua muesele ngecize cipanga ca ku ambulula, ca pua ca seho ya kama. Tandenu Mako 13:10, kaha simutuilenu ha vihula evi:

• Omo lia vika cipanga ca ku ambulula ca pua ca seho ya kama, kuli vakua Civunga ca Vantuamena?

• Omo lia vika cipanga caco ca tondeka ku ci tuamenena kuli mukuamanda?

5. Mukuamanda ue ku tu tuamenena

Civunga ca Vantuamena, ce ku tuamenena Vakua Kilistu mu mavu ose. Vati ce ku hangula vimamuna vika ci hana? Tu talenu vati civunga ca vantuamena ca Vakua Kilistu va ku livanga ca lingilemo. Tandenu Vilinga 15:1, 2, kaha simutuilenu ha vihula evi:

• Cimpande cika ca nehele vitanga ha kati ka vamo Vakua Kilistu va ku livanga?

• Kulihi Paulu, Mbanambasa na vakuavo va ka vundilile vimamuna via ku manusula cimpande caco?

Tandenu Vilinga 15:12-18, 23-29, kaha simutuilenu ha cihula eci:

• Ntsimbu kanda va linge cihangula, vika va lingile vakua civunga ca vantuamena mu ku tonda ku tuamenena ca Njambi ku tuala ha cimpande caco?—Talenu vinimbu 12, 15, na 28.

Tandenu Vilinga 15:30, 31 na 16:4, 5, kaha simutuilenu ha vihula evi:

• Vati va lingile Vakua Kilistu va katete, mu va tambuile vimamuna via ku civunga ca vantuamena?

• Vati Yehova ua vezikisile ku ononoka cavo?

Tandenu 2 Timoteo 3:16 na Tiango 1:5, kaha simutuilenu ha cihula eci:

• Omo lia vika vakua Civunga ca Vantuamena lelo lino, ve ku tonda ku tuamenena ca Njambi ntsimbu kanda va linge vihangula?

 VI MU NA LILONGESA

Civunga ca Vantuamena, ca pua “mukuamanda ua cili mukua mana” ya hangula Kilistu. Ce ku hana vimamuna na via ku-lia via mu lutsilielo kuli vangamba va Yehova mu mavu ose.

Mpupulule

• Iya ua hangula “mukuamanda ua cili mukua mana”?

• Vati Civunga ca Vantuamena ce ku tu tuamenena?

• Vuno mua tsiliela ngecize Civunga ca Vantuamena cikeco ca pua mpundu “mukuamanda ua cili mukua mana” ni?