CILONGESA 59
Mu Hasa ku Kolesa Ambe nga va mi Luisa
Vakua Kilistu vose, tangua va ka hita mu ku va luisa ni ku va yandesa. Vuno evi via pande ku tu vuisa liova ni?
1. Omo lia vika tua lavelela ku tu luisa?
Mbimbiliya ya handeka ha toma nguayo: “Vose va hianga ku linga via ku lemesa Njambi muli Kilistu Yesu va ka mona lamba.” (2 Timoteo 3:12) Yesu va mu luisile, muomu ka lihakele mu via mavu a Satana. Kaha mu ku linga netu ka tue ku lihaka mu via mavu, ka ce ku tu komouesa nga vanguvulu ni amo malombelo eka, a tu luisa.—Yoano 15:18, 19.
2. Vati tua pande ku liviukisila via ku tu luisa?
Tua pande ku kaniamesa lukulahelo luetu muli Yehova vuovuno. Mu ku lihakela kapandi ka ku vundila, na ku tanda Lizi lieni matangua ose. Kaha na ku kunguluka ku viuano viose. Ku linga evi, ci ka mi hana ngolo i mua tondeka mu ku kolesa mu nkala ku luisa ci mu ka hita, cipue vene nga ci ka tundilila ku vavusoko. Kapostolo Paulu, uze u va kele na ku luisa ku sua kumo, ua sonekele ngueni: “[Yehova] ikeye mukuasi uange; Ka nji kevua vuoma: Muntu a ka nji linga vikandzo”?—VaHevelu 13:6.
Tu hasa naua ku kaniamesa ku simpa cetu, mu ku ambulula ku sua kumo. Ku ambulula, ce ku tu longesa ku kulahela muli Yehova na ku vula nkala liova li tue ku vuila vantu. (Visimo 29:25) Ku lihakela kapandi ka ku ambulula na ku simpa mu ntsimbu ino, ci ka mi kuasa ku tualelelaho ku lingamo cipue nga nguvulu i ka vindika vipanga vietu.—1 Tesalonika 2:2.
3. Vati ku kolesa mu ku tu luisa ce ku tu kuasa?
Mua vusunga, na umo ua lema ku mu luisa uahi, vunoni mu tue ku kolesa nga va tu luisa, lutsilielo luetu lue ku kaniama. Tue ku suena mu hiehi na Yehova, muomu tue ku mona vukuasi vueni mu tue ku ivua ngecize ka tu hasa ku tualelelaho ku ndzili yetu lika. (Tandenu Tiango 1:2-4.) Ku tu mona tu yanda, ce ku vuisa Yehova ku mutima ku vavala, vunoni ue ku ivua ndzolela mue ku tu mona tu kolesa. Mbimbiliya nguayo: “Nga mu linga via cili, kaha mu vi yandela, cikeco kavumbi ku meso a Njambi.” (1 Petulu 2:20) Cilunguiso ca ka hana Yehova ku vose va kolesa na ku ntsongo, ca pua muono ka ue ku hua, mu mavu ka mu ka kala vakua ku luisa ku lemesa ca vusunga.—Mateo 24:13.
TANTEKEYENU VIKUAVO
Hilulenu omo lia vika mu hasa ku kala na vusunga ngecize mu hasa ku kakatela kuli Yehova, kaha ikeye a ka mi lunguisa.
4. Mu hasa ku kolesa nga vavusoko venu va mi luisa
Yesu ua muesele ha toma ngecize vavusoko vuetu, halumo ka va ka tu kuasa mu cihangula cetu ca ku lemesa Yehova. Tandenu Mateo 10:34-36, kaha simutuilenu ha cihula eci:
-
Vika va hasa ku linga vantu, nga umo kavusoko kavo a hangula ku pangela Yehova?
Linga mu mone cimo cimueso, talenu VIDEO, kaha simutuilenu ha cihula ci na hatako.
-
Nga umo kavusoko ni kavusamba, a seteka ku mi lingisa mu likele ku pangela Yehova, vati mu ka linga?
Tandenu Visamo 27:10 na Mako 10:29, 30. Kaha mu nima ya ku tanda nkala mukanda, simutuilenu ha cihula eci:
-
Vati eci cikulaheso ci hasa ku mi kuasa, nga va mi luisa ku vavusoko ni ku vavusamba?
5. Tualelelenuho ku pangela Yehova cipue nga va mi luisa
Ku tualelelaho ku pangela Yehova nga vakuetu va tu vindika, ce ku tondeka ku simpa. Talenu VIDEO, kaha simutuilenu ha cihula ci na hatako.
-
Vika via mi kaniamesa ku tuala ha malungano a va tumbula mu video eyi?
Tandenu Vilinga 5:27-29 na VaHevelu 10:24, 25. Mu nima ya ku tanda nkala mukanda, simutuilenu ha cihula eci:
-
Vika ca puila ca seho ya kama, ku tualelelaho ku lemesa Yehova, cipue nga nguvulu i vindika cipanga cetu ca ku ambulula na ku kunguluka?
6. Yehova a ka mi kuasa ku kolesa
Vakaleho va Yehova va miaka ya ku liseza-seza, na visemua via ku liseza-seza, ve ku tualelelaho ku pangela Yehova vutuhu ve ku va luisa. Linga mu mone vika vie ku va kuasa, talenu VIDEO. kaha simutuilenu ha cihula ci na hatako.
-
Vika via kuasele Vakaleho va va tumbula mu video ku kolesa?
Tandenu Loma 8:35, 37-39 na Filipu 4:13. Mu nima ya ku tanda nkala mukanda, simutuilenu ha cihula eci:
-
Vati ou mukanda ua mi hana vusunga ngecize mu hasa ku kolesa mu nkala ceseho?
Tandenu Mateo 5:10-12, kaha simutuilenu ha cihula eci:
-
Omo lia vika mua pande ku ivua ndzolela ambe nga va mi luisa?
Makulukazi na makulukazi a vakua ku lemesa Yehova, va hasa ku kolesa mu ntsimbu ya ku va luisa. Nenu mu hasa!
VAMO VE KU HANDEKA NGUAVO: “Ange nga va nji luisa, ka nji hasa ku kolesa.”
-
Vinimbu vika vi hasa ku va hana ku simpa ci va tondeka?
VI MU NA LILONGESA
Yehova ua haka seho ya kama, ku kapandi ka tue ku lihakela mu ku mu pangela vutuhu ve ku tu luisa. Na vukuasi vueni tu hasa ku kolesa!
Mpupulule
-
Omo lia vika Vakua Kilistu va pande ku lavelela ku va luisa?
-
Vika mu hasa ku linga vuovuno mu ku liviukisila ku luisa ci keza ku lutue?
-
Vika vi hasa ku mi kuasa ku kala na vusunga ngecize mu hasa ku tualelelaho ku pangela Yehova mu nkala ceseko?
KONKENUHO
Talenu vati umo muanetu ua lombolola vukuasi vua mu hele Yehova, linga a kolese mu va mu tualele mu kamenga omo lia ku viana ku lihaka mu via mavu.
Talenu vika via kuasele vamo va yala na mpuevo ku tualelelaho ku pangela Yehova na lukakatela, vutuhu va va luisile mu miaka ya ingi.
Talenu vati mu hasa ku simpa nga va mi luisa.
“Tu Liviukisilenu Vuovuno Ntsimbu Kanda va Putuke ku tu Luisa” (Vutala vua Kaniungi, Julho ya 2019)
Vati tua pande ku muenamo ku luisa ca vavusoko? Kaha vati tu hasa ku pinda na visoti vi ce ku koka?
“Vusunga ka Vue ku Neha Ciyulo, Vunoni Mpoko ya Mukuale” (Vutala vua Kaniungi, Outubro ya 2017)
Halumo mu Hasa ku Lema Naua Evi
VIHULA VI VE KU LINGA CIKUMA VANTU
Vika via pua Cilongesa ca Mbimbiliya?
Uanenu vikumbululo ku tuala ha vilongesa vietu via Mbimbiliya via vuana.
