Nji na Puisamo Ni?
Vuno nji na Puisamo via Tondeka mu ku Ambulula na Cikungulukilo Ni?
Citava mu pue mukua ku ambulula ua ku hona ku mbatiza nga . . .
Mu lilongesa Mbimbiliya ku-sua kumo, mu vundila, na ku kunguluka ntsimbu yose.
Mu haka seho ku viuma vi mue ku lilongesa na ku lekako vakuenu.
Mu lema Yehova na ku hangula vavusamba vaze va mu lema.
Mu lizitula mu vifua viose ku pulitika na ku vulombelo vua makuli.
Mu yoya muaya vitume via Yehova na ku tonda ku pua Mukaleho ua Yehova.
Nga muli na ku livua ngecize mu na puisamo vinanga via tondeka mu ku ambulula na cikungulukilo, lekenu mulongisi uenu ua Mbimbiliya. Kaha ikeye a ka leka vakuluntu, linga mu ka simutuile navo ku tuala ha vati mu hasa ku puisamo cizango caco.
Vuno nji na Puisamo via Tondeka mu ku nji Mbatiza Ni?
Citava ku mi mbatiza nga . . .
Mua pua mukua ku ambulula ua ku hona ku mbatiza.
Mue ku lihakela kapandi ka ku ambulula muzimbu ua cili ku-sua kumo.
Mue ku ononoka na ku hakuila ku tuamenena ca “mukuamanda ua cili mukua mana.”—Mateo 24:45-47.
Mua lihana kuli Yehova ku hitila mu civundilo, kaha mu tonda ku mu pangela ku miaka yose.
Nga mu livua ngecize mu na puisamo via tondeka mu ku mi mbatiza, lekenu mulongisi uenu ua Mbimbiliya. Kaha ikeye a ka leka vakuluntu linga mu ka simutuile navo ku tuala ha vati mu hasa ku puisamo cizango caco.
