Mukanda Veya Vali na ku Linga Cizango ca Yehova Lelo? va u pangela ku lilongesa na ndongesi ua Mbimbiliya ku vuputukilo ni ku ntsongo ya nkala cilongesa. * Cilongesa 1 ku tuala 4 vi kuasa vandongesi ku tu tantekeya vuino, cilongesa 5 ku tuala 14 vi va kuasa ku tantekeya vipanga vietu, kaha cilongesa 15 ku tuala 28 vi va muesa vi lue ku linga lukungulukilo luetu. Ca pua ca cili ku lilongesa mitamba yaco ngue mu ya likavela, ku vanga lika nga kuli vimo vi tondeka ku vi tantekeya mu vuasi ku liya na cizango ca ndongesi. Cilongesa ku cilongesa ca kala lika ha lifo limo, kaha citava ku lilongesaco mu viminutu vitanu ni likumi.

• Tualenu mana ku cihula ca mutue ua cilongesa

• Tandenu cilongesa hamo lika, citava ku citepa mu mitamba ni ku ci tanda cose

• Simutuilenu vi mua tanda. Pangesenu vihula vili ku ntsongo ya lifo na vikupulo. Tandenu na ku simutuila ha mikanda ya mu Mbimbiliya iliho i tondeka mpundu. Tsindikenu ngecize mitue ya indende i va zivalesa ya kumbulula mutue ua cilongesa

• Nga hali cikasa “Tantekeya Vikuavo,” tandenu hamo lika kaha kaniamesenu ndongesi a kave cimamuna caco