KU YOYA CETU VAKUA KILISTU
Ku Vueza ku Vutongue Vuetu Vua ku Ambulula—Mua ku Longesela Vandongesi Vetu ku Liviukisila
Mua ku Longesela Vandongesi Vetu ku Liviukisila
SEHO YA KALAHO: Nga vandongesi va Mbimbiliya va liviukisila, va ka hasa ku ivuisisa na ku vuluka vi tue ku va longesa. Omo va tualelelaho ku ivuisisa na ku vuluka vilongesa, va ka hasa ku kola vuasi mu lutsilielo. Cipue mu nima ya ku va mbatiza, va ka liviukisila viuano kaha na ku ambulula linga va tualeleho ku ‘vingila.’ (Mat. 25:13) Mua vusunga, nga va tantekeya vati va hasa ku liviukisila na ku kala na ciziilila ca ku lilongesa ntsimbu yose ci ka va kuasa mu muono uavo uose. Omo tu putuka ku lilongesa na umo ndongesi, tua pande ku mu kuasa a kale na ciizilila ca ku liviukisila vilongesa via Mbimbiliya.
VATI TU HASA KU LINGAMO:
-
Puenu lungano lua cili. (Loma 2:21) Liviukisilenu vilongesa oku mu singanieka ha nkala ndongesi. (km 11/15 3) Na pande ku mona mukanda uenu ua ku sona-sona
-
Mu lekenu a pue na ku liviukisila. Nga mua tumbika cilongesa, mu lekenu ngecize ku liviukisila ca pua mutamba ua cilongesa ca Mbimbiliya, kaha mu lombololuenu vivezikiso vi hasa ku iza mu ku lingamo. Mu kuasenu vati a hasa ku uana ntsimbu ya ku liviukisila. Vamo vakua ku ambulula ve ku hana ndongesi mukanda uavo ua ku sona laza nga va lilongesa linga va kuase ndongesi ku mona vukuasi vua kalaho. Mu sangalienu nga na liviukisila
-
Mu longesenu vati a hasa ku liviukisila. Mu ku putuka ca cilongesa, vamo vakua ku ambulula ve ku pangesa mutamba uose ua clilongesa mu ku muesa ndongesi vati na pande ku liviukisila