KU YOYA CETU VAKUA KILISTU
Omo mu Endesa Cilongesa ca Mbimbiliya Kati mu Uile mu Vingandzo Evi
Ku Handeka Cikuma: Kati mu ivue ngecize mua pande ku longotola viose houe. Yesu ua pangesele vihula mu ku kuasa vantu ku singanieka na ku limuena vusunga vakevo vavene. (Mat. 17:24-27) Vihula vie ku kuasa ku simutuila na ndongesi na ku mi kuasa naua ku tantekeya nga ndongesi ali na ku ivuisisa vilongesa kaha ua vi tsiliela ni kuahi. (be 253 ¶3-4) Nga mu na lingi cihula, kalenu na lukakatela kaha lavelelenu cikumbululo. Nga ndongesi ka kumbuluile mua cili, kati mu mu leke cikumbululo, vunoni pangesenu vihula mu ku mu kuasa a uane cikumbululo ikeye ivene.(be 238 ¶1-2) Kati mu handeke vuasi vuasi, linga ndongesi a hase ku ivuisisa vuino vilongesa via vihia
Ku Kaluuisa Cilongesa: Kati mu uile mu ngandzo ya ku handeka viose vi mu tantekeya ku tuala ha cimpande caco. (Yoa. 16:12) Tualenu mana ha ntsina ya kama ya nkala cinanga. (be 226 ¶4-5) Ku lundika muntu mizimbu ya ingi cikuma, ci ka mu lingisa ku suva vintsina via seho ya kama. (be 235 ¶3) Nga ndongesi nevuisisa laza ntsina ya kama, yenu ha cinanga ci na hatako.
Ku Manusula Livulu ni Mukanda: Vutumbe vuetu ku kuasa muntu linga vilongesa vi mu hete ku mutima, kati ku manusula livulu ni mukanda houe. (Luka 24:32) Pangesenu ngolo ya Lizi lia Njambi mu ku tuala mana ku mikanda ya mu Mbimbiliya ize ya kuata luvula lua cimpande. (2 Kol. 10:4; VaHe. 4:12) Pangesenu vimueso via viasi. (be 245 ¶2-4) Singaniekenu ha visoti vie ku lihita navio ndongesi na ha viuma via tsiliela, kaha vi tombuesenu na cilongesa. Mu lingenu vihula ngeci muevi: “Vati muli na ku ivua ku tuala ha viuma vi muli na ku lilongesa?” “Vika ou muzimbu u na tu longesa ku tuala hali Yehova?” “Mu ku mona cenu, vukuasi vuka mu hasa ku uana mu ku ononoka eci cimamuna?”