Kuhitila Muli Luka 3:1-38
3 Mu muaka ua vu 15 ua kusika ca Timbeliu Sezale, omo Pontiu Pilato ua puile nguvulu mu Yundeya, Helonde uakele na kusika Ngalileya kaha muanaye Filipu co uakele na kusika Ituleya na Talakoniti, kaha Lisania uakele na kusika Ambiline.
2 Ku matangua a mukuluntu ua vasasendote Anase na Kayafase, Lizi lia Njambi liezile kuli Yoano muana Zakaliya mu likango.
3 Ngeci ua hitanganene mu vimbonge viose via zengelekele Yondau, mu kuambulula via mbatizimu ize ya puile citantekeyeso ca kualuluka ca vantu, linga Njambi ava konekele ku vipi,
4 ngue mu va vi soneka mu livulu lia kapolofeto Isaya nguavo: “Kuli lizi lia umo ali na kutambeka mu likango nguendi: ‘Vuahesenu njila ya Yehova!* Sungamesenu vitapalo viendi.
5 Vimbongo viose via pande ku vi sikila na ku sungamesa mincinda na malundu. Vinjila viose via kuhenga-henga via pande ku vi sungamesa na vinjila via vina ku vi lambesa.
6 Kaha vantu vose vaka mona vuovole vua Njambi.’”*
7 Ngeci ua lekele mbunga ya kele na kuiza kuli ikeye linga ava mbatize nguendi: “Enu vana va mambuambua, iya na mi lungula kutina ku vutenu vua Njambi vuli na kuiza?”
8 Imenu vusuka vu muesa kualuluka cenu. Kati mu lihalese nguenu: ‘Etu tu vana va Avilahama.’ Muomu nji mi leka vusunga nguange, Njambi a hasa kualulula aa mavue linga apue vana va Avilahama.
9 Cili vene ngimbu ili laza ku mizi ya muti. Ngeci muti uose ka uimi vusuka vua cili vaka u teka naku umbila mu tuhia.”
10 Ngeci ize mbunga ya muihuile nguayo: “Vika honi tua pande kulinga?”
11 Kaha ua va kumbuluile nguendi: “Uze ali na vikovelo* vivali a haneko cimo kuli uze kesi naco. Kaha uze ali na viakulia a haneko uze kesi navio.”
12 Na vakua ku fuetesa lisimu navo vezile mu ku va mbatiza, kaha va muihuile nguavo: “Mulongisi, vika tua pande kulinga?”
13 Ua va kumbuluile nguendi: “Kati mu fuetese lisimu kuhiana lize li va tumbika.”
14 Na masualale vakele naku muihula nguavo: “Vika tua pande kulinga?” Uakele naku va kumbulula nguendi: “Kati mu yandese* ni ku vangeya muntu na umo uahi, vunoni viukililenu na fueto yenu.”
15 Mu kulinga vantu vakele naku lavelela kuiza ca Kilistu, ngeci vakele naku lihula mu mitima yavo kutuala hali Yoano nguavo: “Kati ikeye vene Kilistu ou?”
16 Yoano ua kumbuluile vose nguendi: “Ange nji mi mbatiza na mema, vunoni ou ua nji hiana ku ngolo ali na kuiza, ambe mikole ya vinkaku viendi, ka nja fuililile ku izitula. Ikeye aka mi mbatiza na sipilitu santu na tuhia.
17 Na kuata cilelekeso cendi linga a lelese vuino ha cizunguilo naku kunguiya tiliku yendi mu cisete. Vunoni muzungu aka u uemeka mu tuhia ka citava ku va zima.”
18 Yoano ua va hanene naua vimamuna vikuavo viavingi, kaha ua tualeleho kuambuluila vantu muzimbu ua cili.
19 Vunoni Yoano uakele na kupaya nguvulu Helonde omo lia Helondiya mpuevo ya muanaye na viuma vikuavo via kuvihia via kele na kulinga Helonde.
20 Ngeci mu kuvueza ku milonga yose eyi, Helonde ua sokele Yoano mu kamenga.
21 Omo vantu vose vava mbatizile, Yesu nendi va mu mbatizile. Ntsimbu Yesu uakele na kuvundila, lilu lia sokolokele,
22 sipilitu santu yezile hali ikeye ngue livembe, kaha muilu mua tundile lizi ngualio: “Yove Muanange, inja lema, ue ku nji vuisa ndzolela.”
23 Yesu mua putukile cipanga cendi, kampe tele ali na miaka 30. Kaha vantu va mu tantekeyele kupuamuana Yosefe,Yosefe muana Heli,
24 Heli muana Matate,Matate muana Levi,Levi muana Meleki,Meleki muana Yanai,Yanai muana Yosefe,
25 Yosefe muana Matatiya,Matatiya muana Amose,Amose muana Nahume,Nahume muana Eseli,Eseli muana Nangai,
26 Nangai muana Mahate,Mahate muana Matatiya,Matatiya muana Semeyine,Semeyine muana Yoseke,Yoseke muana Yonda,
27 Yonda muana Yoanane,Yoanane muana Lesa,Lesa muana Zolombambele,Zolombambele muana Selatiele,Selatiele muana Neli,
28 Neli muana Meleki,Meleki muana Andi,Andi muana Kosame,Kosame muana Elemandame,Elemandame muana Ele,
29 Ele muana Yesu,Yesu muana Eliezele,Eliezele muana Yolime,Yolime muana Matate,Matate muana Levi,
30 Levi muana Simione,Simione muana Yundasa,Yundasa muana Yosefe,Yosefe muana Yoname,Yoname muana Eliakime,
31 Eliakime muana Meleya,Meleya muana Mena,Mena muana Matata,Matata muana Natane,Natane muana Ndaviti,
32 Ndaviti muana Njese,Njese muana Ovende,Ovende muana Mboaze,Mboaze muana Salemone,Salemone muana Nasone,
33 Nasone muana Aminandave,Aminandave muana Aleni,Aleni muana Hezelone,Hezelone muana Peleze,Peleze muana Yunda,
34 Yunda muana Yakomba,Yakomba muana Isake,Isake muana Avilahama,Avilahama muana Tela,Tela muana Nahole,
35 Nahole muana Selunge,Selunge muana Leu,Leu muana Pelenge,Pelenge muana Evele,Evele muana Sela,
36 Sela muana Kainane,Kainane muana Alepasande,Alepasande muana Seme,Seme muana Noa,Noa muana Lameke,
37 Lameke muana Metusela,Metusela muana Enoke,Enoke muana Yalende,Yalende muana Mahalele,Mahalele muana Kainane,
38 Kainane muana Enose,Enose muana Sete,Sete muana Andama,Andama muana Njambi.
Matota
^ Talenu Mizimbu ya ku Vuezako
^ Ni “Njila ya kovuelamo vantu Njambi.”
^ Ni “cikovelo cikuavo”
^ Ni “ku pakesa, ku zuzuisa, ku zangamena”
