Kuhitila Muli Mako 16:1-8
-
Yesu vamu sangula (1-8)
16 Mu ya huile Sapalalo, Maliya Mandalena, Maliya naye ya Tiango na Salome, va landele ndumbo* ya kunika vuino linga vaka kuite muvila ua Yesu.
2 Ha litangua lia katete mu simano, va menekelele ku cihilo tele litangua linace.
3 Kaha vakele na kulihula hakati kavo nguavo: “Iya aka tu ngalumuinako* lize livue lili ku mbelo ya cihilo?”
4 Vunoni mu vanduile meso avo, va muene lize livue va na litundisako laza, vutuhu liapuile lia kama.
5 Mu va kovelele mu cihilo, va muene umo mukuendze na tumama ku cilio na zala cikovelo ca laha ca kutoka to, ngeci va uililile mu liova.
6 Uava lekele nguendi: “Kati muivue liova. Nji tantekeya nguange muli na kutonda Yesu Mukua Nazaleta, uze uva sukikile ha citi. Va namu sangula laza, uahiko kuno. Talenu, aha hakeho ha vamu langekele.
7 Vunoni yenu muka leke vandongesi vendi na Petulu nguenu, ‘Ikeye na tuama ku Ngalileya. Kukekuo ku muka mu muena, ngue muze mua mi lekele.’”
8 Ngeci va tuhukilemo na kutina ku cihilo, muomu va likomokelele mua kama kaha vakele na liova. Ka va lekeleko muntu naumo uahi, muomu vakele mu liova.*
Matota
^ Ni “vihemba”
^ Ni “tundisilako”
^ Kuliya na mazengununo a laza a vusunga, Livulu lia Muzimbu ua Cili lia Mako, lia huila ha mezi aku cinimbu 8. Talenu Mizimbu ya ku Vuezako
