MUASO 134
Vana va Pua Vuana vua ku Fuma Kuli Njambi
(Visamo 127:3-5)
-
1. Nga mpuevo a kuata muana
Kaha yala ue ku pua cisemi,
Ve ku zolela mu mitima,
Vunoni ka puile uavo.
Ua pua vuana vua kuli Njambi;
Muomu Ikeye Ndundzi ya muono.
Ue ku tuamenena visemi
Va hase ku longesa vana.
(KU-TAVEYA)
Vana va pua vuana vua Njambi;
Va lelenu na cilemo.
Va hakenu seho ya kama;
Na ku va leka via Njambi.
-
2. Mezi a Yehova Njambi
A hakenu mu mitima yenu.
Linga mu a longese vana;
Cikeco cipanga cenu.
Omo mu hinduka, nga mu enda,
Nomo mu kosa, va longesenu
Linga va niunge vimamuna,
Kaha va pue va ku vezika.
(KU-TAVEYA)
Vana va pua vuana vua Njambi;
Va lelenu na cilemo.
Va hakenu seho ya kama;
Na ku va leka via Njambi.
(Talenu naua Ndeu. 6:6, 7; Efe. 6:4; 1 Tim. 4:16.)
