“Mu amo matangua ku nima, ku tambula via kulia via mu lutsilielo ku hitila mu vitelefone ni vitableti, ca ka luuilile ku vi singaniekela. Muanetu Geoffrey Jackson, ua handekele a mezi mu Muzimbu 6 ua Vakua Civunga ca Vantuamena ua 2020. Ua vuezeleko naua ngueni: Vati tu ne ku lingile mu ntsimbu ya musongo, nga ka tua hasele ku kala na JW Library. Yehova ua kele na ku tu viukisila vua lumo mu miaka i na hiti, linga tu tuli viukisile mu ntsimbu ya visoti ngeci mue vi.

 Vati Yehova ali na ku tu kuasa kuli viukisila? Vika via mbatesela kumo ha ku linga JW Library, kaha na vika via tondeka linga i tualeleleho ku panga vuino?

 Mu Ngonde ya Maio ya 2013, Civunga ca Vantuamena ca lombele vakua Seketa ya Tala via MEPS ku Cikota ca kama, ku linga imo aplikativo mu ve ku hasele ku haka Mbimbiliya ya Tradução do Novo Mundo. Muanetu Paul Willies, ua pangela ku seketa yaco ngueni: Mu ntsimbu yaco tele ka tuesi na aplicativo na imo yahi ya electronico mu play store, ngeci tua lingile vimo vivunga, na ku likela ku linga vipanga vi tua kele na ku linga kaha na ku ka panga na vamuanetu va ku viseketa vikuavo, mu ku linga aplikativo yaco na vikuavo vie ku kelemo. Mua vusunga ntsimbu yose tua kele na ku vundila kuli Yehova, kaha na vukuasi vueni mu nima ya vi ngonde 5, va tuhuile aplikativo yaco, mu ciuano ca muaka!’’

 Citanga cikuavo ci tua liuanene naco, ca puile ku puisa aplikativo yaco mu cifua ca cisete ca mikanda, na ku hakamo mikanda mu malimi akuavo. Kaha mu Janeiro ya 2015, cingi ca mikanda yetu mu Ingles ya kele laza mu aplicativo yaco, kaha mu nima ya vingonde 6, cingi ca vantu va hasele ku tupulula makulukazi a makulukazi a mikanda mu malimi eka.

 Tunde oho, vamuanetu ve ku lihakela kapandi ka kama linga aplikativo yaco i pange vuino mu vi njila via vingi. Ngeci mua ku hakamo vi video, ku tombuesa mikanda, na vimpande via mu viuano via simano mu mutamba umo lika, na ku asiuisa va muanetu ku pengesa Guia de Pesquisas nga va tonda ku tondesesa ha cimo cinimbu ca Mbimbiliya.

 Vikuata electroniko via ku pua 8 milhoes, vie ku pangesa JW Labrary matangua ose, kaha 15 milhões mu nkala ngonde! Linga aplikativo i hase ku panga vuino mu vikuata viaco, vika vie ku tondeka ku linga? Muanetu Willies ua lomboluele ngueni: “Vipanga viaco ka vie kuhua. Ntsimbu yose, tua pande ku hakamo vi kuata via vihia, kaha na ku i asiuisa linga vantu va hase ku i pangesa vuino. Kaha mu ku linga vantu va panga aplikativo yaco, ntsimbu yose ve ku hitulukamo, ngeci mukemuo netu tue ku hitulukamo ntsimbu yose linga i litombole na viuma vi ve ku sungamesamo vakevo. Cikuavo naua, tua pande ku linga atualização ya software linga tu hase ku vuezamo mikanda ikuavo, ambe vene ize iva linga ya ku ngalavala mu JW Library.” Mikanda yaco ya kala mu malimi a ku pua 200.000 kaha na vi video via ku pua 60,000. Mua vusunga, via vingi vie ku tondeka linga aplikativo yaco i pange vuino, ku tuvakana ci kuata cose oco ca informatika!

 Kue ku tondeka ku landa programa ya software kaha muaka ku muaka ndando yaco ye ku pua $1,500 (U.S.). Ca ku muenako seketa ya tala via MEPS ku Cikota ca Kama, muaka ku muaka ve ku pangesa vimbonge viheta $10,000 (U.S.). Kaha ve ku landa nkala vikuata via eletroniko ku vantu va ku liseza- seza, linga va hase ku kala na vusunga ngecize aplikativo yaco ili na ku panga vuino mu vi komputador, mu vitableti na mu vitelefone via viha.

 JW Library ye ku tu kuasa mua kama, linga kati tu sanduole vimbongo via vingi mu ku tuhula mikanda ya ha mapapelo na ku i havazela. Ca ku muenako, aci singaniekenu ha mukanda Hilulenu vi Soneka. Mu 2013 tua tuhuile mukanda uaco kampe 12 milhões. Vutuhu mu 2020 kua livuezelele vakua ku ambulula va heta kampe 700.000, tua tuhuile lika mikanda ya ku pua 5 milhões. Omo lia vika ca tondekele ku linga ku aluluka caco? Muomu cingi ca vamuanetu honi ve ku hasa ku tanda mukanda ua litangua mu JW Library. a

 JW Library i na kuasa vantu va vengi, mu vinjila via ku liseza-seza. Ndumbuetu Geneviève ua ku Canadá ua handekele ngueni, Aplikativo JW Library ye ku mu kuasa ku kala na progrma ya cili ya ku li longesa kusua kumo. Ivene ngueni: “Ku handeka vusunga, nga ka kua kele JW Library, nga ka nje ku hasa ku lilongesa mu vulika omo lia mikanda ya ingi ya ha mapapelo. Vunoni eyi aplikativo ku kuata lika tableti kaha uli laza na mikanda yose u tonda. Vi longesa viaco vili na ku nji kuasa mua kama mu ku kolesa vusamba vuange na Yehova na ku tualeleho ku kaniamesa lutsilielo luange.’’

 Mu ntsimbu ino ya musongo ua COVID-19 aplikativu JW Library ili na ku kuasa mua kama. Charlyn ua ku Estados Unidos ua lomboluele Ngueni: Omo lia musongo ua COVID-19 mu mavu ose, ku nja hasele ku mona na umo mukanda uahi ua ha mapapelo ua uha. Vunoni JW Library i na ku tu kuasa ku kaniamesa lutsilielo luetu, kaha nji santsela cikuma kuli Yehova omo lia cilemo ce ku tu muesa

 Faye, ua ku Filipina neni ue ku livua ngue mu ve ku livua cingi ca vantu. Ua handekele ngueni: Aplikativu ye ku nji kuasa ku kolesa vusamba vuange na Yehova. Ntsimbu yose ku cimene, cuma ca ku livanga ci nje ku linga capua ku tanda mukanda ua litangua. Kaha nga njili na ku linga vipanga via ha ndzivo, nje ku halakana vi audio. Nje ku pangesa aplikativu yaco mu ku livuahesela viuano kaha njili na ka ntsimbu nje ku tala vivideo. Cikuavo naua, nga njili na ku vandamena umo muntu nje ku hasa ku pangesa aplikativu mu ku tanda mikanda ni Mbimbiliya. Mua vusunga ca pua civezikiso ca kama.

 JW Library ye ku kuasa cikuma naua mu ku ambulula. Ca ku muenako, umo ndumbuetu ua ku Camarões, ua tondele ku pangesa cimo cinimbu ca mu Mbimbiliya mu lihia ua muene kuli umo ndokazi mukuavo, vunoni ua suvile cinimbu caco. Ivene ngueni: “Nja vulukile amo mezi a mu cinimbu caco, kaha nja sokolola Mbimbiliya mu aplikativu JW Library na ku soneka amo mezi a ha cinimbu caco kaha vuasi-vuasi nja uanene cinimbu caco. Ku handeka vusunga, aplikativu ye ku nji kuasa ku uana mikanda ize ku nje ku hasa ku vuluka vuino.

 Milambu i mue ku linga ku hitila mu donete donate.pr418.com ye ku tu kuasa ku tualelelaho ku viukisa mua cili aplikativu JW Library, linga va muanetu mu mavu ose va hase ku i pangesa vuino. Tua santsela cikuma ku milambu yenu.

1. Mu Outubro ya 2013-Tua tuhuile Mbimbiliya ya Tradução do Novo Mundo revisada mu aplikativu JW Library

2. Mu Janeiro ya 2015—Tua hasele ku hakamo mikanda mu Ingles na mu malimi akuavo

3. Mu Novembro ya 2015 – Tua hasele ku vuezamo vikuata vikuavo

4. Mu Maio ya 2016—Tua vuezelemo mutamba ua viuano

5. Mu Maio ya 2017—Tua vuezelemo umo mutamba ue ku tu kuasele ku sonekaho viuma vi tu tonda

6. Mu Dezembroya  2017—Tua vuezelemo Bíblia de Estudo

7. Mu Março ya 2019—Tua vuezelemo mutamba ua ku tupulula vi audeo na vi video na Guía de Pesquisa

8. Mu Janeiro ya 2021—Tua vuezelemo mutamba ua Livulu Yoyenu Mu Ndzolela ku Miaka Yose