TUALELENUHO KU VINGILA!
2022: Muaka ua Visoti—Vika Mbimbiliya ya Handekaho?
Mu muaka ua 2022 tu nevu cikuma mizimbu ya vindzita, ku hona vimbongo, na viyovo via mavu. Mbimbiliya lika ya lombolola omo lia vika viuma viaco vili na ku soloka.
Vi via Lomboloka Viuma via Soloka mu 2022
Viuma via soloka muaka uali via muesa ha toma ngecize tuli na ku yoyela “ku matangua aze a ku kotokela.” (2 Timoteo 3:1) Matangua aco a putukile mu 1914. Talenu vati viuma vili na ku soloka matangua ano via litombola na vi ya polofetele Mbimbiliya:
“Zindzita.”—Mateo 24:6.
“Mu Muaka ua 2022, Europa ya Pindile Naua na Visoti vi ye ku Koka Ndzita.” a
Talenu cimpande “Rússia i Linga Ndzita na Ucrânia.”
“Ku ka kala ndzala.”—Mateo 24:7.
“2022: Muaka ua Ndzala ya Kama.” b
Talenu cimpande “Ndzita mu Ucrânia Ili na ku Koka Ndzala mu Mavu Ose.”.”
“Misongo.”—Luka 21:11.
“Musongo ua poliomielite na varíola dos macacos kaha na COVID-19 ili na ku tualelelaho ku tsiha vantu vavengi, evi vie ku muesa mpundu vati misongo ya ku litambuisa ye ku kokela vantu visoti.” c
Talenu cimpande “Vantu va tuvakana 6 Milhões va Natsi ku Musongo ua COVID-19.”
“Via ku zuzuisa.”—Luka 21:11.
“Ntuima ya ku hiana cikuma, cilanga, ku uema ca misenge na vimpuendza. Vantu ka va ka suva muaka ua 2022 omo lia ku hiana ca masika na ku yukuma mu mavu ose. Vantu vavengi va natsi, vakuavo co va zimbalesa vindzivo viavo.” d
Talenu cimpande “Ku Hianesamo ca Masika na ku Yukuma mu Mavu Ose.”.”
“Miyoyo.”—Luka 21:9.
“Mu 2022 vantu va tenukile cikuma omo lia ku hona vimbongo, ku londa ca vindando, kaha na vakua ku alulukila vanguvula va na livuezelela cikuma.” e
Talenu cimpande “Ku Londa ca Vindando mu Mavu Ose.”
Vika vi ka soloka mu muaka u kuizaho?
Uahi a tantekeya vi ka soloka mu muaka ua 2023. Vunoni tua tantekeya nguetu vuovuno Vuangana vua Njambi ni nguetu, nguvulu ya muilu i ka alulula mavu. (Ndaniele 2:44) Kaha nguvulu yaco i ka fumisako tuyando tua vantu na ku puisamo cizango ca Njambi ha mavu.—Mateo 6:9, 10.
Tu kavenu via tu mamuine Yesu Kilistu ngueni “vingilenu” ku tuala ha vati viuma vi li na ku soloka vi li na ku puisamo vupolofeto vua mu Mbimbiliya. (Mako 13:37) Sukulukambu handekenu netu linga mu tantekeye vati Mbimbiliya i hasa ku mi kuasa mu ntsimbu ino kaha na lulavelelo lu mu hasa ku kala naluo hamo lika na vusoko vuenu.
a “Muzimbu ua vakua AP News, “2022 Was Year the Horror of War Returned to Europe,” by Jill Lawless, December 8, 2022.
b Muzimbu ua vakua World Food Programme, “A Global Food Crises.”
c Muzimbu ua vakua JAMA Health Forum, “Living in an Age of Pandemics—From COVID-19 to Monkeypox, Polio, and Disease X,” by Lawrence O. Gostin, JD, September 22, 2022.
d Muzimbu ua vakua Earth.Org, “What’s Behind the Record-Breaking Extreme Weather Events of Summer 2022?” by Martina Igini, October 24, 2022.
e Muzimbu ua vakua Carnegie Endowment for International Peace, “Economic Anger Dominated Global Protests in 2022,” by Thomas Carothers and Benjamin Feldman, December 8, 2022.
Halumo mu Hasa ku Lema Naua Evi
VUTALA VUA KANIUNGI
Vuovuno Njambi a ka Fumisako Tuyando Tuose
Vati tu hasa ku tantekeya ngecize Njambi vuovuno a ka manusula tuyando na vuhenge vuose?
ESSENTIAL BIBLE TEACHINGS
Vika Vuangana vua Njambi?
Yesu mu ku ambulula ceni cose ua longesele via Vuangana vua Njambi ku hiana nkala cimpande. Mu vihita via miaka vandongesi veni va ambulula via ku iza ca vuangana vuaco.
VILONGESA VIA SEHO VIA MU MBIMBILIYA
Vuangana vua Njambi vua Putukile ku Sika mu 1914
Miaka i tuvakana 2.500 ku nima, Njambi ua muesele vumo vupolofeto kuli umo muangana ku hitila mu cilota, vuli na ku lipuisamo lelo.
YETU VEYA
Vundilenu Cilongesa
Simutuilenu ku tuala ha vihula via mu Mbimbiliya ni lilongesenu via vingi ku tuala ha Vakaleho va Yehova.
