TUALELENUHO KU VINGILA!
2023: Muaka u na Lingisa Vavengi ku Lisosomua—Vika Mbimbiliya ya Handekaho?
Mu ku hita ca muaka ua 2023 viuma via vingi vi na soloka mu mavu ose. Kaha viuma viaco via muesa mpundu ngecize, tuli na ku yoyela ku matangua a ya handeka Mbimbiliya nguayo, ‘matangua a ku kotokela.’ (2 Timoteo 3:1) Talenu viuma vi ya handekamo via litombola na viuma vili na ku soloka kuno ku matangua etu.
Mbimbiliya na Viuma vi na soloka mu mavu ose
“Zindzita na vinguavo via zindzita.”—Mateo 24:6.
“Vukenia vuli na ku livuezela cikuma mu mavu ose.” a
Talenu cilongesa “Iya a Kovola Vaze ka ve ku Likovelesa mu via Ndzita?” na “Gastos militares mundiais ultrapassam US$ 2 trilhões.”
“Mandunduma a mavu kueka na kueka.”—Mako 13:8.
“Tunde ha ku putuka ca muaka ua 2023, va na soneka mandunduma a ku pua 13 a kama cikuma-kuma mu mavu ose, imo ya vinumelu ya kama mu muaka umo tunde a tua putukila ku soneka.” b
Talenu cilongesa “Mandunduma a Kama a Hitile ku Turquia na Síria.”
‘Va kamona via ku zuzuisa.’—Luka 21:11.
“Ku aluluka ca mavu ntsimbu yose kaha na mu vifua via ku seza seza ngeci mua ku yukuma ca mavu, ku hianesamo masika na ku uema ca misenge.”—António Guterres secretário-geral da ONU. c
Talenu cilongesa “Ntuima ya ku Hiana mu Mavu Ose mu Ntondue ya 2023.”
“Kaha ku ka kala ndzala.”—Mateo 24:7.
“2023: Muaka ua ku lisosomua cikuma kuli vaze ve ku kala na vitanga via ku uana via ku suka vusoko vuavo.” d
Talenu cilongesa “Ndzala mu Mavu Ose Omo lia Ndzita na ku Aluluka ca Ntsimbu.”
“Zintsimbu zia ku kaluua.”—2 Timoteo 3:1.
“Mu mavu ose muntu umo ha kati ka vantu vatanu na vatatu, ua kala na citanga ca cihindu ca mu visinganieka.” e
Talenu cilongesa “Ku Livuezelela ca Citanga ca Cihindu ca mu Visinganieka ku Vakuendze.”
Vika tu hasa ku lavelela mu 2024?
Na umo uahi na tantekeya vika soloka mu muaka ua 2024. Vunoni viuma vili na ku soloka mu mavu mu ntsimbu ino, vi muesa ngecize Vuangana vua Njambi ni nguetu Nguvulu ya muilu vuovuno iza. Vuangana vuaco, vu ka sintsa ni ku hinga mavuangana ose a vantu kaha vu ka manusula tuyando na viuma viose vie ku lingisa vantu ku lisosomua.—Ndaniele 2:44; Ku-Solola 21:4.
Vunoni mu ntsimbu ino, tua pande ku tonda vukuasi vua Njambi linga a tu kuase. Mbimbiliya nguayo:
“Ntsimbu nji li na vuoma, Nji ku tsiliela.”—Visamo 56:3.
Vati tu hasa ku muesa ngecize tua kulahela muli Njambi? Tua mi lania mu lilongese vikuavo naua vi ya handeka Mbimbiliya ku tuala ha lulavelelo lua cili. lilongesenu Mbimbiliya vuana linga mu mone vati yenu na vusoko vuenu mu hasa ku uana ku vezika ku lulavelelo lua mu Mbimbiliya.
a Relações Exteriores, “Ndzita mu mavu: Vika vili na ku koka vindzita na vukenia vili na ku soloka mu mavu ose?” vi va hulile va Emma Beals na Peter Salisbury, lia 30 ya Outubro ya 2023.
b Notícias sobre terremotos, “Mu muaka ua 2023: va na soneka numelu ya mandunduma a engi cikuma” mu Maio ya 2023.
c Nações Unidas, “Discurso de abertura do secretário-geral na conferência de imprensa sobre o clima,” lia 27 ya Julho ya 2023.
d Programa Mundial de Alimentos, ”Uma Crise Alimentar Global.”
e Ndzango ya tala via cihindu mu mavu ose. [Organização Mundial da Saúde], ”Dia Mundial da Saúde Mental 2023”10 , de outubro de 2023.
Halumo mu Hasa ku Lema Naua Evi
ESSENTIAL BIBLE TEACHINGS
Vika Vuangana vua Njambi?
Yesu mu ku ambulula ceni cose ua longesele via Vuangana vua Njambi ku hiana nkala cimpande. Mu vihita via miaka vandongesi veni va ambulula via ku iza ca vuangana vuaco.
VINGILENU!
Nga mua Sakalala Mutima, Vika mu Hasa ku Linga?
Talenu vimo vitume via seho vi hasa ku mi kuasa ku tepulula ku ku sakalala mutima.
YETU VEYA
Vundilenu Cilongesa
Simutuilenu ku tuala ha vihula via mu Mbimbiliya ni lilongesenu via vingi ku tuala ha Vakaleho va Yehova.
