TUALELENUHO KU VINGILA!
Ku Lavelela via Cili mu 2024—Vika Mbimbiliya ya Handekaho?
Vutuhu nkala muaka ua uha ue ku neha lulavelelo, vunoni vavengi nguavo visoti vili na ku hita ha mavu, cipue muno mu 2024, uahi a hasa ku vi manusula. Vunoni kasi tu hasa ku lavelela via cili ku lutue. Mu njila ika?
Mbimbiliya ya hana lulavelelo
Mbimbiliya nguayo Njambi a ka manusula visoti viose vie ku tu zima cizango ca ku yoya. Vuovuno, Njambi “a ka hunda masozi ose ku meso avo; na ku tsa ka ci ka ka kala naua; cipue ku-linienga na vusiua ka ci ka kala naua, cipue ku lila, cipue ku vavala.”—Ku-Solola 21:4.
Linga mu tantekeya vikuavo ku tuala ha vikulaheso via Mbimbiliya, tandenu cimpande “Uma esperança real de um futuro melhor.”
Vati Mbimbiliya i hasa ku mi kuasa mu ntsimbu ino
Mbimbiliya ya hana lulavelelo luze lu hasa ku tu kuasa ku vula visinganieka via ku vihia na ku lavelela via cili ku lutue. (Loma 15:13) Mu Mbimbiliya mua kala vinguli via cili vi hasa ku mi kuasa ku lua na visoti vi muli na ku pinda navio mu ntsimbu ino, ngeci mua vuhutu, vuhenge, na ku vavala.
Tantekeyenu vati lulavelelo lua kala mu Mbimbiliya lua kuasa umo yala ku yoya mu ndzolela vutuhu ua pua cihutu tunde ku vunike vuendi. Talenu video Juan Pablo Zermeño: Jeová Deu Sentido à Minha Vida.
Tantekeyenu vati Mbimbiliya i hasa ku mi kuasa ku vula vusiua, ku livua vungoco, na viniengo via ku tsisa. Tandenu cimpande “Posso encontrar consolo na Bíblia?”
Talenu vati umo lisualale ua laza, ua litumbuile ngueni “nji ua mukalu, ka nja kele na ngozi” ua uanene lulavelelo mu Mbimbiliya. Talenu video Deixei as armas para trás.
Puisenu muaka ua 2024 u pue ua cili kuli yenu na vusoko vuenu. Lilongesenu via vingi vati Mbimbiliya i hasa ku mi kuasa. Setekenu ku lilongesa netu Mbimbiliya mu ku simutuila. Nongononenu vati Njambi a hasa ku mi hana “visinganieka via ciyulo” na “lulavelelo.”—Yelemiya 29:11.