KU AMBULULA CA KU LIFUILA
Viuma vi vu ka Linga Vuangana vua Njambi ku Tuala ha Cihindu
Lia 23 ya Maio ya 2023, mukuluntu ua Lukungulukilo lua Tala via Cihindu mu Mavu Ose, ua handekele ngueni: “Vutuhu COVID-19 ka ya lisanduokele naua mua kama mu mavu ose, eci ka ca lombolokele ngecize musongo uaco unahu. . . . Tuli na vusunga ngecize ku keza musongo ueka kaha tua pande ku liviukisila.”—Dr. Tedros Adhanom Ghebreyesus, director-general of the World Health Organization.
Vantu vavengi vali honi na ku pinda na visoti via cihindu ca ku muvila na mu visinganieka omo lia COVID-19. Vuno vanguvulu hamo lika na vakua cihindu va ka hasa vene kuohiela mbunga nga ku ka soloka limusongo lieka ni? Ambe vene mavezi na misongo iliko ntsimbu ino, vuno tangua va hasa ku vi manusula ni?
Mbimbiliya ya tumbula imo nguvulu i ka tu hana cihindu ci tua tondeka nguayo: “Njambi ua muilu a ka tumbika vuangana vumosi.” (Ndaniele 2:44) Kaha mu i ka sika nguvulu yaco, ‘na umo mundambo a ka handeka ngueni: ‘Nji vavala’ uahi. (Isaya 33:24) Vose va ka kala na cihindu ca cili na ndzili ya vukuendze.—Yombi 33:25.