Dr. Vivek Murthy, mukua ku tala via cihindu ua ku Estados Unidos nguendi: “Lelo lino cihindu ca mu visinganieka ci na tepuluka mua kama—kaha internete ikeyo ili na ku koka vitanga viaco.”—New York Times, 17 de junho de 2024.

 Vati visemi va hasa ku kuasa vana vavo ku vitanga via internete? Mbimbiliya ye ku hana vinguli via cili.

 Hilulenu hali evi vimamuna via mu Mbimbiliya.

 “Mukua liano a tala vuino ku vinanga vieni.”—Visimo 14:15.

 Ku hilula vuino ha vusonde vua kalaho ha ku pangesa internete, ka ci ku lingisa ku vindika muanove ku i pangesa ni? Ntsimbu kanda u tavese muanove a pangese internete, vuluka nguove muanange nahi kaha ue ku singimika vuino ntsimbu yendi, ue ku niunga vavusamba va cili kaha ue ku zangama na vize vi hasa ku mu kovelesa mu vusonde.

•    Linga mu tantekeye vikuavo, tandenu vilongesa “O meu filho deve usar redes sociais?” na “Ensine o seu filho adolescente a usar as redes sociais de forma responsável.”

 ‘[Pangesenu] vuino ntsimbu yenu.’—Efeso 5:16.

 Nga u tavesa muanove a pangese internete, mu hakelenu vinginga na ku mu lomboluela vati evi vi hasa ku mu niunga. Zangamenu mangana mu hase ku nongonona vilinga viendi nga vili na kualuluka ku liya na vize viali na ku tala mu internete.

•    Pangesenu video Zangamenu Omo mu Pangesa Internete linga evuisise omo lia vika vinginga via tondeka.

 Mbimbiliya nguayo tuli na ku yoyela “ku zintsimbu zia ku kaluua.” (2 Timoteo 3:1-5) Kaha ya tu hana vimamuna via cili vize vi hasa ku tu kuasa kulua na vintsimbu viaco. Kaha naua mukana ua ku pulakana 20 ua vilongesa via mu Mbimbiliya ku tuala ku visemi na vana va hasa ku viuana mu cimpande Cihindu ca mu Visinganieka ku Vakuendze.