Kuliya na vakua mizimbu ya vakua catolica, lia 25 ya Março ya 2022, ku cimo ciuano ca hitile ku Basilica de São Pedro, Papa Francisco “uemanene ku lutue lua kamponia ka Maliya kaha ua lalamekele na ku tsikama,” kaha ua vundilile mu mutima.” “Ua vundilile Maliya a nehe ciyulo.” Umo muzimbu ua ku Vaticano ua vuezeleko naua nguauo: “Papa ua kundikile vantu mu mavu ose mu civundilo ceni, cikumakuma vakua Rússia na Ucrânia linga Maliya a va vuileko cikeketima.”

 Vika mu handekaho? Vuno capua ca cili ku tsikamena kamponia ni ku mu lemesa ni? Talenu vinimbu via mu Mbimbiliya vi na hatako:

•   “Kati u ka lipangele cifua ca ku songa, cipue cifua ca nkala Cuma ci li muilu, cipue ci li hano ha mavu, cipue ci li mu mema muintsi lia mavu: kati u ka likotamese ku vikevio, cipue ku vi pangela: muomu yange Njambi ua lifuua.”—Ezundu 20:4, 5. a

•   “Tumponia vavo vakevo palata na olu, vipanga via mavoko a vantu. Va li na tunua, vunoni ka ve ku handeka; Meso va li nao, vunoni ka ve ku mona; Va li na matuitui, vunoni ka ve ku ivua; Mazulu va li nao, vunoni vueko vuahi; Va li na mavoko, vunoni ka ve ku kuata; Viliato va li navio, vunoni ka ve ku enda; Cipue ka ve ku handeka na mulivu uavo. Vaze va va pangele va ka lifua navo; Cili, uose a va tsiliela.”—Visamo 115:4-8.

•   “Yange nji Yehova, likelio lizina liange; Na vumpahu vuange ka nji tava ku vu hia kuli ueka, Cipue ku-nji-sangala cange ku tumponia va ku songa.”—Isaya 42:8.

•   “Tinenu ku lemesa mahamba.”—1 Kolintu 10:14.

•   “Litengienu ku mahamba.”—1 Yoano 5:21.

 Linga mu tantekeye mizimbu ikuavo ha vika ya handeka Mbimbiliya ku tuala ha ku pangesa ni ku lemesa tumponia, talenu muzimbu O Conceito da Bíblia Imagens ni talenu O que Deus pensa sobre o uso de imagens?

 Citava naua mu tantekeye vikuavo vika ya handeka Mbimbiliya ku tuala ha vinanga vi na hatako:

•   “O que a Bíblia ensina sobre a virgem Maria?”

•   “Deve-se orar à Virgem Maria?”

•   “Milagres e aparições — são sinais de Deus?”

•   “Como haverá paz na Terra?”

Photo credit: Vincenzo Pinto/AFP via Getty Images