Mu muaka ua 2023 vakua ku tala via cihindu va nongonuene nguavo, ku pinda na vulika ca pua citanga ca kama ci va na pande ku tuala mana cikuma vantu, muomu ci hasa ku pihisa cihindu ca muntu. Ngeci mukemuo, ca tondeka ku lingako mumo linga mu vule citanga caco. Mu njila ika tu hasa ku vula vulika?

•   “Vulika na ku lisondoloka ku vakuetu ca pua vusonde ku cihindu cetu ca ku muvila na mu visinganieka.” Evi vikevio via handekele Ndotolo mukua ku tavula na ku saka via cihindu ua lizina Vivek Murthy, ua ku Estados Unidos. Kaha naua ua vuezeleko nguendi: “Citava ku lingako mumo mu ku tepulula ku vulika.” Vika tu hasa honi ku linga? “Tu hasa ku linga tu viuma tua tundende nkala litangua mu ku kaniamesa vusamba vuetu na vakuetu.” a

 Vulika ka vua puile lika ku kala lika lietu. Vamo ve ku livua vulika ambe nga vali ha kati ka vantu vavengi. Vunoni viose-ovio vi hasa ku koka eci citanga caco, Mbimbiliya i hasa ku tu kuasa. Muomu mua kala vimamuna via cili vize vi hasa ku tu kuasa kulua na vulika na ku kaniamesa vusamba vuetu na vakuetu.

 Puenu Mukua ku Simutuila vuino. Eci ka ca lombolokele lika ku handeka visinganieka vienu, vunoni na ku lihakela kapandi ka ku pua mukua ku halakana vuino. Kaha na ku nongonona vati vakuetu vali na ku livuilamo ku tuala ha vize vi va handeka netu. Nga cili vene mu muesa seho ku vakuenu, vusamba vuenu vu ka kaniama mua kama.

•   Citume ca mu Mbimbiliya: “Na umo uahi a yongole vieni ivene, vunoni enu vose vize via vakuenu.”—Filipu 2:4.

 Vuezenu ku vavusamba venu. Lihakelenu kapandi ka ku linga vusamba na vantu va vitso viose, ambe vene vakuluntu, vakuendze ni vene tunkavala. Cipue nga va fuma ku visemua ni cifuti ceka.

•   Citume ca mu Mbimbiliya: ‘Sokololenu mitima yenu naua.’—2 Kolintu 6:13.

 Linga mu hase ku kaniamesa vusamba vuenu na vakuenu, talenu cilongesa “Satisfazer a sede de amizades.”