Mu mavu ose, lizangamena lia pua honi cizilila kuli vakua ku suana kaha lie ku koka vitanga via kama. a Ca ku muenako, mu ku hita ca musongo ua COVID-19, mu vifuti via vingi vanguvulu va vangeyele ku punda vimbongo vi va tambuile na vutumbe vua ku luisa musongo ua COVID-19. Omo lia lizangamena liaco, vantu ka va tambuile vukuasi vu va tondekele ku cihindu. Kaha evi via kokele lamba ya kama na ku-tsa ca vantu vavengi.

 Mu mavu ose, vanguvulu ve ku muesa lizangamena. David Camero, ua puile nguvulu ua kama ku Reino Unido, ua handekele ngueni: “Lizangamena lia pua cimo ciliva ca kama—kaha cingi ca vanguvulu mu mavu ose, ve ku uila mu ciliva caco.”

 Vunoni, tu hasa ku kala na vusunga ngecize lizangamena liose tangua lihua. Mu njila ika? Talenu vi ya handeka Mbimbiliya ku tuala ha via ka linga Njambi.

 Njambi ua handeka mu Mbimbiliya ngueni: “Yange, Yehova, nji lema vuoloke, Nji zinda vuizi hamo na vupi.” b (Isaya 61:8) Njambi ue ku mona vantu mu ve ku yanda omo lia lizangamena. (Visimo 14:31) Yehova ua kulahesa ngueni: “Muomu ku-vindzuoka ca vakua ku vindama, . . . nji ka katuka.”—Visamo 12:5.

 Vika a ka linga Njambi ku lutue? Njambi a ka hingisa mavuangana ose aliko lelo lino na Vuangana vueni vua muilu, vu va sana nguavo: “Vuangana vua Njambi.” (Mako 1:14, 15; Mateo 6:10) Mbimbiliya nguayo: “Njambi ua muilu a ka tumbika vuangana vumosi . . . vu ka vatuola na ku lia mavuangana aa ose. Kaha vu ka mana ku miaka yose ya ya-ye.” (Ndaniele 2:44) Ku hitila mu njila eyi, Njambi a ka manusulako lizangamena lia kalako lelo lino.

 Vati tua tantekeya nguetu Vuangana vua Njambi vu ka pua nguvulu ka yesi na lizangamena? Talenu vi na hatako.

1.  1. Ngolo. Njambi mukua Ngolo yose, ikeye a ka hana ngolo ku Vuangana vuaco.—Ku-Solola 11:15.

    Vucili vua kalaho: Vanguvulu va vantu, va hitukila ha vimbongo via vantu linga va hase ku puisamo vipanga viavo. Vunoni evi, vie ku hana vukovelelo vua lizangamena na ntsambuelo. Vunoni ovu Vuangana vuaco, Njambi mpundu ikeye ue ku puisamo viose. Ngeci mukemuo, vukevuo lika vu ka hasa ku hana viose vi va ka tondeka vantu.—Visamo 145:16.

2.  2. Ku sika. Njambi ua hangula Yesu ku pua Muangana ua Nguvulu yaco.—Ndaniele 7:13, 14.

    Vucili vua kalaho: Cipue vamiangana va vantu ve ku sika vuino, kasi ve ku zendamena ku ku linga vupi. (Ekelesiaste 7:20) Vunoni Yesu mua kele hano ha mavu, ka tavele ntsambuelo. (Mateo 4:8-11) Kaha kati ovio lika, vie ku linga via muesa mpundu cilemo ca vusunga ku vantu va a ka sika.—Visamo 72:12-14.

3.  3. Masiko. Masiko a Vuangana vua Njambi a pua a ku tantuluka kaha e ku tu vuisa ndzolela.—Visamo 19:7, 8.

    Vucili vua kalaho: Vintsimbu vimo, masiko a va tumbika vantu e ku kaluua ku a ononoka ni vene e ku hana vukovelelo vua lizangamena na ku hengesa vusunga. Vunoni masiko a Njambi e ku panga vuino kaha e ku tu kuasa ku viose. (Isaya 48:17, 18) Cikuavo naua, masiko aco ka e ku kuata lika ku vilinga via vantu vunoni na ku matumbe avo. (Mateo 22:37, 39) Mu ku linga Njambi ue ku mona vili mu mitima ya vantu, ue ku linga cose mu ku muesa ngozi ku vantu ve ku ononoka masiko eni.—Yelemiya 17:10.

 Tua mi lania mu lilongese vikuavo mu Mbimbiliya ku tuala ha vikulaheso via ku lutue vi i ka puisamo nguvulu ka yesi na lizangamena.

•   Tandenu cimpande “O Reino de Deus—um governo sem corrupção” linga mu tantekeye vusunga vutatu vua muesa omo lia vika Vuangana vua Njambi na limo litangua liahi vu ka muesa lizangamena.

•   Talenu video Vika Vuangana vua Njambi? linga mu lilongese vikuavo ku tuala ha Vuangana vua Njambi kaha na vika vu ka linga ha mavu.

•   Lilongesenu Mbimbiliya mu ku simutuila mu mone vati vikulaheso via Mbimbiliya vi hasa ku mi kuasa.