TUALELENUHO KU VINGILA!
Mavazi—Vika Mbimbiliya ya Handekaho?
Mu mavu ose, ku zalela ca mema ci li na ku pindisa vantu. Talenu eyi mizimbu:
Lia 2 ya Agosto ya 2023 umo muzimbu ua AP News nguao: “Mu matangua a na hiti, mu mbonge ya kama ya ku China mua hitile niondzi ya kama ya ku linga mua hiti miaka 140 tunde ha kua nokelele naua ya cifua eci. Ku tunda lia Sapalalo ku neha Lia mu Citatu, mema a na londo 744.8 milimetros.”
Lia 3 ya Agosto ya 2023 muzimbu ua vakua Deutsche Welle nguauo: “Lia mu Ciuana mpuendza ya lizina Khanun, a kokele liniondzi lia kama na mahundzi a kama ku Japão. Omo liaco, vantu vavali va na tsi. Cikuavo naua, halumo ku noka niondzi ya kama i hasa ku zalela 0.6 metros mu mbonge ya Taiwan.”
Lia 24 ya Julho ya 2023 vakua BBC News nguavo: “Mua hiti miaka 50 tunde ha kua hitilile niondzi ya kama ngeci mua ize ya zalelesa imo mbonge ya ku Canada ya lizina Nova Escócia.”
Vika Mbimbiliya ya handeka ku tuala ha viuma ngeci muevi?
Citantekeyeso ca ‘ku matangua a ku kotokela’
Mbimbiliya ya handeka nguayo tuli na ku yoyela ‘ku matangua a ku kotokela.’ (2 Timoteo 3:1) Yesu ua polofetele ngueni ku matangua etu, tue ku muene viuma “via ku zuzuisa.” (Luka 21:11) Ku aluluka ca vintsimbu ci na koko viniondzi, vimpuendza na vikuavo via ku komouesa kanda vi ci kaleko.
Tu hasa ku kala na lulavelelo
Mbimbiliya ya tu leka ngecize cingi ca viuma vi tuli na ku mona lelo lino, via pande ku tu hana lulavelelo. Omo lia vika? Yesu ua handekele ngueni: “Omo mu ka mona viuma evi vi li na ku soloka, tantekeyenu ngecize Vuangana vua Njambi vu li mu hiehi”—Luka 21:31; Mateo 24:3.
Viuma vi tuli na ku mona via muesa ngecize vuovuno Vuangana vua Njambi vua ku sungamesa eci ku aluluka ca vintsimbu hamo lika na ku lizenga ca mema.—Yombi 36:27, 28; Visamo 107:29.
Linga mu tantekeye mizimbu ikuavo ku tuala ha viuma vikuavo vi vu ka linga Vuangana vua Njambi, talenu cimpande “Quem vai salvar a Terra?”