TUALELENUHO KU VINGILA!
Ndzita ku Ucrânia ya Kovela na mu Muaka ua mu Civali—Vika Mbimbiliya ya Handekaho?
Lia 24 ya Fevereiro ya 2023 ndzita mu Ucrânia i na puisa muaka, Kuliya na imo mizimbu nguayo, masualale va mu Ucrânia na Rússia va tuvakana 300.000 va na tsi, kaha vantu va ngoco va tuvakana 30.000 va na tsi ku ndzita. Mua vusunga vantu vavengi va na tsi.
Kaha ca vusiua mu Ucrânia, ndzita ka i moneka ku hua vuasi.
“Vuovuno muaka u hua tunde ha va kovelele masualale vakua Rússia mu Ucrânia, kaha ha kati ke vi vifuti vivali na cimo cahi cavio ci li na kuvula cikuavo. Cikuavo naua, ku va tondo ku lihamba.”—NPR (National Public Radio) 19 ya Fevereiro ya 2023.
Vantu vavengi va na niengua omo lia visoti viye ku koka vindzita ku vantu ka vesi na milonga mu mavu ose. Lulavelelo luka lu ya hana Mbimbiliya? Vuno tangua vindzita vi kahua ni?
Ndzita i ka manusulako vindzita viose
Mbimbiliya ya handeka ha imo ndzita i kovola vantu, kati ku va nongesa. Ndzita yaco ve ku i sana nguavo Alemangendo, ya lomboloka “ndzita ya litangua lia kama lia Njambi, Mukua ngolo yose.” (Ku-Solola 16:14, 16) Ku hitila mu ndzita yaco Njambi a ka nongesa vamiangana va mavu ve ku koka vindzita via vukenia. Linga mu tantekeye vati Alemangendo i ka neha ciyulo ca yaye, tandenu vimpande vi na hatako: