Ndzita ya ku Ucrânia hamo na ku aluluka ca ntsimbu, vi li na ku tualelelaho ku vuzelela ku ndzala. Cikuma-kuma mu vifuti via vuhutu, ci li na ku kaluua mua kama ku uana via-ku-lia via ku puamo.

•   Lia 17 ya Julho ya 2023, secretário-geral ua Nações Unidas, António Guterres, ua handekele ngueni: “Ku lima na ku lisanduoka ca via-ku-lia muaya mavu, vi li na ku kaluua mua kama omo lia vindzita, ku aluluka ca ntsimbu, ku londa ca vindando via tuhia tua vunengu na vikuavo.”

•   Imo saiti nguayo: “Mu ku linga Russia i na litundisa mu nkuminio ya ku tuma vimbuto muaya mavu, ndzala i livuezelela, cikumakuma mu vifuti via vuhutu na vihela vikuavo ngeci mua ku Cihava ca Afrika na ku Medio Oriente.”—Atalayar.com, 23 ya Julho, 2023.

 Tu hilulenu vi ya handeka Mbimbiliya ku tuala ha ndzala na muono ua ku lutue.

•   Yesu ua polofetele ngueni: “Cifuti ci ka katukila cifuti, na vuangana ku vuangana; kaha ku ka kala ndzala.”—Mat. 24:7.

•   Livulu lia Ku-Solola lia handeka via cimueso ca vakua tuvalu vauana. Umo mukua kavulu uemanena vindzita. Kaha mukua kavulu ua mu hata, uemanena ndzala, mu ntsimbu ya ku linga vantu va ka peselesa via-ku-lia na ku vi landesa na ndando ya kama. Mbimbiliya nguayo: “Kaha nja muene, kaha talenu, kavalu ua ku lava; na uze ua tumameneho ua kele na cipeseleso mu livoko lieni. Kaha nja vuile ngue lizi . . . ngualio, ‘Njongo ya tiliku na lumbongo lua palata, na zinjongo zitatu zia sevanda na lumbongo lua palata.” a—Ku-So. 6:5, 6.

 Ovu vupolofeto vua ndzala vuli na ku lipuisamo ku ntsimbu ino i va tumbula mu Mbimbiliya nguavo ‘matangua a ku kotokela.’ (2 Tim. 3:1) Linga mu tantekeye vikuavo ku tuala ha ‘matangua a ku kotokela’ na vakua tuvalu vauana va va tumbula ku Ku-Solola, talenu video Mavu a na Aluluka Tunde mu 1914 kaha tandenu cimpande “Vamala Vauana Vakua Tuvalu—Va pua Veya?”

•   Mbimbiliya ya kala na vimamuna via cili vi hasa ku tu kuasa mu vintsimbu via vikalu, ngeci mua vintsimbu via ndzala ni ku londa ca vindando. Talenu vimo vimamuna viaco mu cimpande “Como viver com menos.”

•   Mbimbliya ya tu hana naua lulavelelo ngecize viuma tangua vi ka vuaha. Ya kulahesa nguayo tangua “ku ka kala ku-lana ca mbuto ha mavu” kaha vantu va ka kala na via-ku-lia via vingi. (Visa. 72:16) Linga mu tantekeye vikuavo ku tuala ha lulavelelo luaco, nomo lia vika mu hasa ku lu kulahela, tandenu cimpande “Você pode acreditar num futuro melhor.”