Pulitika ye ku koka matepeso mu mavu ose. Centro de Pesquisa Pew ya 2022 nguayo: “Cingi ca vakuendze va mu vifuti 19 nguavo, mu vifuti viavo vavengi mueka ve ku hakuila vakua pulitika.”

 Nenu mua limuena vati matepeso a pulitika ali na ku livuezelela ku mua kala ni? Omo lia vika? Tangua vi kahua ni? Tantekeyenu vika Mbimbiliya ya handekaho.

 Mbimbiliya ya handekele laza nguayo “ku matangua aze a ku kotekela” vantu vavengi ve ku kele na vilinga vie ku koka matepeso.

•   “Ku matangua aze a ku kotokela ku keza zintsimbu zia ku kaluua. Muomu vantu va ka pua vakua ku lilema vavene, . . . [vakapwa vavakalu, Litavasyano Lyaliha].”—2 Timoteo 3:1-3.

 Vavengi ve ku linga cose linga vanguvulu va pange vuino, vunoni ka vie ku lipuisamo. Vantu va kala na visinganieka via ku liseza na via vakuavo, ce ku va kaluuila kaha ka ve ku hasa ku pangela hamo na vakuavo linga va manusule visoti. Viuma vie kuizamo via litombola na vi ya handeka Mbimbiliya.

•   “Muntu umo a li na mpoko kuli mukuavo mu ku lipihisa ivene.”—Ekelesiaste 8:9.

 Vunoni, Mbimbiliya ya handeka via imo nguvulu, kaha mukua ku i tuamenena a ka manusulako visoti via vantu.

 Mbimbiliya nguayo Yesu Kilistu ua pua ntuamena ua vutongue ua kala na ngolo, mpoko, kaha a tonda ku neha ciyulo na ku lingisa vantu vose va likuate kumo.

•   “Mu matangua eni mukua vuviuke a ka sokolokela, na ku-lana ca ciyulo.”—Visamo 72:7.

•   “Vakua vifuti vose va ka mu pangela.”—Visamo 72:11.

 Yesu ua pua ntuamena ua cili muomu ua lema vantu kaha a tonda ku va kuasa, cikumakuma vaze ve ku va muesa vuhenge.

•   “A kohiela mukua ku zela omo a tambeka, na muhutu uze kesi na mukuasi. A ka tetela vahutu na vakua ku zela, na miono ya vakua ku zela a ka i ohiela. A ka kula muono uavo ku mapakeso na luozi.”—Visamo 72:12-14.

 Tantekeyenu via vingi ku tuala ha Vuangana vua Njambi, ni nguetu, nguvulu ya muilu ye ku tuamenena Yesu. Tantekeyenu vati mu hasa ku uana vukuasi ku nguvulu yaco na ku i hakuila.

•   Talenu video Vika Vuangana vua Njambi?

•   Tandenu cimpande “O Reino de Deus—um governo sem corrupção.”