Ku cimene, lia 24 ya Fevereiro ya 2022, Rússia ya tumine masualale vavo va ka linge ndzita mu Ucrânia. Vutuhu cingi ca vakuluntu mu mafuti a engi vesekele ku lingako mumo linga vemike ndzita, vunoni ku va hasele. Vati ndzita yaco ili na ku kuata ku vantu mu mavu ose? António Guterres, secretário-geral das Nações Unidas, ua handekele ngueni: “Eyi ndzita i hasa ku koka visoti via kama mu cifuti ca Ucrânia kaha na mu vifuti vikuavo via mu Europa.”

•   Yesu Kilistu ua handekele ngueni i ka heta ntsimbu “cifuti ci ka katukila cifuti, na vuangana ku vuangana.” (Mateo 24:7) Tandenu cimpande “O que prova que vivemos no ‘tempo do fim’?” kaha talenu vati Mbimbiliya ya hana vusunga mpundu ngecize vindzita vili na ku lingika mu ntsimbu ino via pua ku lipuisamo ca vupolofeto vua Yesu.

•   Mu Mbimbiliya, livulu lia Ku-Solola lia muesa ngecize ndzita, yemanena yala na tumama ha kavalu ua ku tila kaha ‘ue ku fumisa ciyulo ha mavu.’ (Ku-Solola 6:4) Tandenu muzimbu “Vamala Vauana Vakua Tuvalu—Va pua Veya?” mu tantekeye vati ovu vupolofeto vu na kuata ku vindzita vili na ku lingika mu ntsimbu ino.

•   Livulu lia Ku-Solola lia tu lumbununa vika vie ku solokelele ku vamiangana va vali “muangana ua ku nolote” na “muangana ua ku sulu.” (Ndaniele 11:25-45) Talenu video Vupolofeto vua Lipuisamo—Ndaniele Kapitulu 11, linga mu tantekeye omo lia vika Russia na vakuasi vavo va va lombonona ku pua muangana ua ku nolote. a

•   Mukanda ua Ku-Solola, ua lumbununa naua “ndzita ya litangua lia kama lia Njambi, Mukua ngolo yose.” (Ku-Solola 16:14, 16) Eyi ndzita yaco, ka ya lifuile cipue kamandende na vindzita vitue ku mona mu ntsimbu ino. Tandenu muzimbu “O que é a batalha do Armagedon?” linga mu tantekeye vikuavo ku tuala ha ndzita yaco i ka soloka ku lutue.

•   Mbimbiliya nguayo Njambi “A ka lingisa zindzita ku likela haze ha lenga mavu.” (Visamo 46:9) Tandenu muzimbu “Vocêpode acreditar num futuro melhor” linga mu lilongese via vingi ku tuala ha viuma via ku lutue via kulahesa Njambi.

•   Yesu ua mamuine vandongesi veni ngecize vapue na ku vundila kuiza ca Vuangana vua Njambi. (Mateo 6:9, 10) Vuangana vuaco, vu na pu Vuangana vua muilu vuze vu ka neha ciyulo na ku sika mavu. Linga mu tantekeye vati Vuangana vua Njambi vua kuata ku muono uenu, talenu video Vika Vuangana vua Njambi?

 Mu cifuti ca Ucrânia, mua kala Vakaleho va Yehova va ku pua 129.000. Kaha ngeci mua Vakaleho va Yehova mu vifuti viose, Vakaleho va Yehova mu Ucrânia navo ve ku kava lungano lua Yesu mu ku hona ku lihaka mua via pulitika kaha na ku viana ku lihaka mu via ndzita. (Yoano 18:36) Mu mavu ose, Vakaleho va Yehova ve ku ambulula muzimbu ua Vuangana vua Njambi ngecize vukevuo lika vuka manusula visoti viose hamo lika na ndzita. (Mateo 24:14) Tua mi lania mu handeke netu linga mu tantekeye via vingi ku tuala ha lulavelelo lua ku lutue lu ya hana Mbimbiliya.