Vantu vavengi nguavo kahangu ku ka kahu.

•   “Kahangu ka pua ngue vusungu vue ku vulumuna cikuma vantu. Kaha ke ku lingisa vantu va mone vakuavo ngue ka va kele na seho.”—António Guterres, Secretário ua vakua Nações Unidas.

 Vuno kahangu ka ka hua mpundu ni? Vika Mbimbiliya ya handekaho?

 Mbimbiliya ya tu longesa vati Njambi ue ku muenamo vantu va ku vifuti na vikanda via ku liseza-seza.

•   “[Njambi] na tange na maninga amo lika miyati yose ya vantu ku kala hose ha mavu.”—Vilinga 17:26.

•   “Njambi ka hangula ku vantu: vunoni ku miyati yose, ou uose a mu vuila vuoma, kaha a linga vuviuke, ikeye ya na tava.”—Vilinga 10:34, 35.

 Mbimbiliya ya muesa ngecize, vantu vose va pua vusoko vumo lika kaha Njambi ue ku tava vose.

 Vuangana vua Njambi, ni nguetu nguvulu ya muilu ikeyo i ka manusulako kahangu. Nguvulu yaco i ka longesa vantu mua ku yoyela vuino na vakuavo. Kaha vantu va ka lilongesa vati va hasa ku likela ku pua vakua kahangu.

•   “Vandambo va ha mavu va [ka] lilongesa vuviuke.”—Isaya 26:9.

•   “Cipanga ca vuviuke ci ka pua ciyulo; na ku-pangesa ca vuviuke, ku-holoka na ku-tsiliela ku miaka yose.”—Isaya 32:17.

 Lelo lino, ku hitila mu Mbimbiliya makulukazi a vantu vali na ku lilongesa ku singimika na ku lema vakuavo.

•   Linga mu tantekeye vikuavo, tandendu Vingilenu! ya kala na mutue “Vihemba vie ku Manusula Kahangu!”

•   Linga mu tantekeye vati visemi va hasa ku simutuila via kahangu na vana vavo, tandenu cimpande ca kala na mutue “Como falar com seus filhos sobre racismo?”