TUALELENUHO KU VINGILA
Tangua Lika Mbuanja i ka Hua?—Vika Mbimbiliya ya Handekaho?
Lia 13 ya Abril ya 2024, Mukua ku soneka ua vakua Nações Unidas ua handekele ku tuala ha mbuanja i va sangumuine vakua Irão kuli vakua Isaleli, nguendi: “Ino ikeyo ntsimbu ya ku kanda vifuti ku vutenu, linga tu tepulule ku vusonde vua ku katuka ca vimbuanja na vindzita.”
Mbuanja ili ku Medio Oriente i napu cimueso lika ca vindzita vili na ku hita muaya mavu.
Lia 26 ya Janeiro ya 2023, Vakua United Nations Security Council, va handekele nguavo: “Lelo lino kuli vindzita via vingi ku pulakana via kele mu Ndzita ya mu Civali ya Mavu Ose. Kaha vili na ku yandesa 2 bilhões ya vantu, ni nguetu, muntu umo ha kati ka vantu 4.”
Ndzita ili ku vifuti via Israel, Gaza, Siria, Azerbaijão, Ucránia, Sudão, Etiopia, Niger, Mianmar na Haiti. a
Tangua lika honi mbuanja i ka hua? Vuno vantuamena va mavu va hasa vene ku neha ciyulo ni? Vika ya handekaho Mbimbiliya?
Mavu ali mu ndzita
Ku livuezelela ca vindzita ha mavu ca muesa ngecize, vuovuno vindzita viose vi ka hua. Evi vindzita vili na ku puisamo vupolofeto vua ku matangua ano. Mbimbiliya ya tumbula matangua aco nguayo: “Ku kotoka ca mavu.”—Mateo 24:3.
‘Mu kevua vindzita na manguavo a ndzita. . . . Cifuti cika katukila cifuti, na vuangana ku vuangana.”—Mateo 24:6, 7.
Tandenu cimpande “O que é o sinal dos “últimos dias” ou “fim dos tempos”? mu mone vati vindzita via matangua ano, vili na ku puisamo vupolofeto vua mu Mbimbiliya.
Ndzita i ka manusula vindzita viose
Mbimbiliya ya muesa ngecize vindzita tangua vi ka hua ha mavu. Vati evi vi ka lipuisamo? Kati ku hitila mu kapandi ka vantu, vunoni ku hitila mu Alemangendo, “ndzita ya litangua lia kama lia Njambi, Mukua ngolo yose.” (Ku-Solola 16:14, 16) Mu nima ya ndzita yaco, Njambi a ka puisamo cikulaheso cendi ca ku tu hana ciyulo ca ya-ye.—Visamo 37:10, 11, 29.
Linga mu tantekeye vikuavo ku tuala ha ndzita ya Njambi ize i ka manusula vindzita viose, tandenu cimpande “Ndzita ya Alemangendo ya pua Ika?”
a Mukana ua vindzita ua vakua ACLED, “Vindzita via kama muaya mavu,” ya mu Janeiro ya 2024