TUALELENUHO KU VINGILA!
Vakua Kilistu na Ndzita—Vika Mbimbiliya ya Handekaho?
Tunde mu ya putukile ndzita mu Ucrânia, vantuamena va mu malombelo ve ku kaniamesa vantu vavo ku likovelesa mu ndzita yaco. Tu talenu vati vamo vantuamena va malombelo va hakuilile ndzita kuose ku vali:
Lia 16 ya Maio ya 2022, vakua The Jerusalem Post, va tuhuile umo muzimbu nguauo: “Ku sangaziala na kasingimiko ci kale kuli vose vaze vali na ku hakuila Ucrânia ku vitozi vavo . . . Mitima yetu ili kuli yenu kaha na vivundilo via talekesa kuli yenu mu ku mi kuasa.”
Lia 3 ya Abril ya 2022 mizimbu ya vakua Reuters ya handekele nguayo: “Ntuamena ua vulombelo Ortodoxa ku Rússia ua lingile cimo ciuano na vamo masualale mu ku va kaniamesa ku hakuila cifuti cavo. Kaha ntsimbu masualele vakuavo ku Moscou, va tualelelaho ku linga ndzita na Ucrânia.
Vuno Vakua Kilistu va pande ku likovelesa mu via ndzita ni? Vika Mbimbiliya ya handekaho?
Via handekaho Mbimbiliya
Mbimbiliya ya muesa ngecize vose vaze ve ku kava Yesu mu vusunga, ka ve ku lihaka mu via vindzita.
“Somekamo naua mukuale uove mu cikanda cauo: muomu vose va kuata mukuale va ka nonga na mukuale.”—Mateo 26:52.
Vuno muntu ue ku hakuila ndzita ni ue ku lua ndzita, ci lekesa ngecize ue ku ononoka mezi a Yesu ni?
“Lizi lia lisiko lia liha li nji mi hia, linga mu lileme umo na mukuavo; ngue omo nji na mi leme enu, ngecize mu lileme umo na mukuavo. Hakeho vose va ka tantekeya ngecize mu vandongesi vange, nga mu lilema umo na mukuavo.”—Yoano 13:34, 35.
Muntu uze ue ku hakuila ndzita, vuno ue ku muesa cilemo cize ca handekele Yesu ngecize mu ka ci nongonona ku vandongesi veni ni?
Linga mu tantekeye mizimbi ikuavo, tandenu cimpande “A guerra é compatível com o cristianismo?”
Vakua Kilistu na Ndzita lelo lino
Vuno cili vene Vakua Kilistu ka va pandele ku lihaka mu via ndzita ni? Eyo. Mbimbiliya ya tumbula matangua a tuli na ku yoyela nguayo, ku ‘matangua a ku kotokela’ ku kala vantu va ku visemua viose, “ka va ka lilongesa ndzita naua” va ka hakuila via longesele Yesu.—Isaya 2:2, 4.
Linga mu tantekeye vikuavo, tandeu muzimbu mu Vutala uli na mutue “Como Deus encara a guerra?”
Vuovuno Yehova, a “Njambi ua ciyulo,” a ka pangesa vuangana vueni vua muilu mu ku “ka kula muono uavo ku mapakeso na luozi.”—Filipu 4:9; Visamo 72:14.
Linga mu mone vati a ka lingamo, talenu video Vika Vuangana vua Njambi?
a Yehova lia pua mpundu lizina lia Njambi—Visamo 83:18.