TUALELENUHO KU VINGILA!
Vakua Pulitika va lungula via ku soloka ca Alemangendo—Vika Mbimbiliya ya handekaho?
Ku cimene ca lia mu cimo 10 ya Outubro ya 2022, valundumuine vimbuze via matenda ngongi mu Ukrania. Mu ku lingula ku mata a vasele vakua Ukrania a vatule cavu ca tokakana Crimea ku Russia. Ku soloka cevi visoti viaco ca lingisa vakua pulitika ku handeka nguavo, Alemangendo ili ku mbelo.
Lia 06 ya Outubro ya 2022 Presidente ua cifuti ca Estados Unidos, Joe Biden ua handekele ngueni: “Tunde ku hoi hoi ya kele ha kati ka presidente ua Estados Unidos [John F.] Kennedy ku tuala ha mata a matenda ngongi a vakua Cuba. . . . Kanda tu ci suene mu hiehi ngeci na Alemangendo. Njili na vusunga nguange, ka citava ku pangesa na liano vimbomba nuclear ca ku hona ku tuva ku Alemangendo.”
Lia 8 ya Outubro ya 2022 vakua BBC News vehuile Presidente ua ku Ukrania Volodymyr Zelensky, ku tuala ha luvinda lue ku solokela omo lia ku pangesa vimbomba nuclear ua kumbuluile ngueni: “Nji mona ku heta ca Alemangendo honi neci, muomu mavu ose a na kovela mu vusonde.”
Vuno ku pangesa vimbomba nuclear cikeco ci koka Alemangendo ni? Vika Mbimbiliya ya handekaho?
Vuno vimbomba nuclear vikevio vi ka koka Alemangendo ni?
Houe. Lizi “Alemangendo” lia soloka lumo lika mu Mbimbiliya ku Ku-Solola 16:16. Kaha ka lia lombolokele ndzita ya vakua vifuti. Vunoni ya pua ndzita ya Njambi na “vamiangana va mavu ose.” (Ku-Solola 16:14) Njambi a ka pangesa ndzita ya Alemangendo mu ku fumisako ku sika ca mavuangana a vantu.—Ndaniele 2:44.
Mue ku tonda ku tantekaya vati mavu a ka fua munima ya soloka ca Alemangendo ni? Tandenu cimpande Ndzita ya Alemangendo ya pua Ika?
Vuno mavu na viose via kalaho tangua va ka vi nongesa ku ndzita ya vimbomba nuclear ni?
Houe. Vutuhu vamiangana va vantu halumo va hasa ku pangesa vimbomba nuclear ku lutue, vunoni Njambi ka ka tavesa vantu va nongese mavu. Mbimbiliya nguayo:
“Mavu a kala ku miaka na miaka.”—Ekelesiaste 1:4.
“Vakua vuviuke va ka suana cifuti, kaha va ka kalamo ku miaka na miaka ya ya-ye.”—Visamo 37:29.
Cikuavo naua, vupolofeto vua mu Mbimbiliya vua muesa ngecize, viuma vili na ku soloka ha mavu, via muesa ngecize vuovuno kakesi ka vantu mu mavu ose ka aluluka. (Mateo 24:3-7; 2 Timoteo 3:1-5) Tantekeyenu vati muono u ka fua ku lutue mu ku lilongesa Mbimbiliya vuana.
Halumo mu Hasa ku Lema Naua Evi
ESSENTIAL BIBLE TEACHINGS
Omo lia Vika Njambi ua Tangele Mavu?
Mavu a sula na viuma via cili. Va a tumbika ha ntunda ya ku puamo mpundu ku tunda ku litangua, va a tangele mu cifua ca cili, eku lizenga mu lusi lua ku puamo. Omo lia vika Njambi ua pangesele ngolo eyi yose mu ku tanga mavu?
Rússia i Linga Ndzita na Ucrânia—Vuno Vupolofeto vua mu Mbimbiliya vuli na ku Lipuisamo ni?
Tantekeyenu vika via lumbunuka viuma vili na ku soloka mu ntsimbu ino.
VUTALA VUA KANIUNGI
Vuno citava ku ovoka ku ndzita Alemangendo ni?
Alemangendo lia pua lizi lie ku vuisa vantu vuoma cikuma, vika mpundu lia lomboloka?
YETU VEYA
Vundilenu Cilongesa
Simutuilenu ku tuala ha vihula via mu Mbimbiliya ni lilongesenu via vingi ku tuala ha Vakaleho va Yehova.
