TUALELENUHO KU VINGILA!
Vukenia vu na Livuezelela ha Mavu—Vika Mbimbiliya ya Handekaho?
Vukenia vu ve ku linga vambanditu vu na vulu Haiti. Vilinga via vukenia vie ku neha tuyando ku África do Sul México kaha na ku vifuti vikuavo via ku América Latina. Ambe mu vifuti muze vukenia vu na tepuluka, hanga vantu ve ku ivua liova mu ve ku halakana mizimbu ya vukenia ngeci mua vumbanditu kaha na ku punda.
Vika Mbimbiliya ya Handeka ku Tuala ha Vukenia Vuli na ku Livuezelela mu Mavu ose?
Vi ya Polofetele Mbimbiliya ku Tuala ha Vukenia
Mbimbiliya ya muesa ngecize, Vukenia vu ka pua citantekeyeso ci ka muesa ngecize tuli na ku yoyela ku ntsimbu ya “ku-kotoka ca mavu” (Mateu 24:3) Omo Yesu ua handekele ha viuma vi ka soloka ku matangua a ku kotokela, nguendi:
“Kaha omo vupi vu ka likulisa, cilemo ca va vengi ci ka tontola.”—Mateu 24:12.
Cikuavo naua, Mbimbiliya ya polofetele nguayo “ku matangua a ku kotokela” vantu “ka {va ka} lipokuesa, ka va leme ngozi.” (2 Timoteo 3:1-5) Evi vilinga via ku pihia vikevio vie ku koka vukenia vu tue ku mona matangua ano.
Vutuhu ngoco, tu hasa ku kala na lulavelelo. Mbimbiliya ya kulahesa nguayo; vuovuno vukenia ka vu ka kalako naua.
“Muomu kantsimbu lika, kaha mukua vupi ka li ka kalako: Cili, u ka yongola vukalo vueni cikuma, kaha ka li ka kalako. Vunoni vakua ku konkama va ka suana cifuti, Kaha va ka viukilila mu ku-lana ca ciyulo.”—Visamo 37:10, 11.
Tantekeyenu vikuavo ku tuala ha lulavelelo lua vusunga mu Mbimbiliya kaha na omo lia vika mua pande ku kala na vusunga ngecize, viuma vili na ku solola matangua ano vili na ku puisamo vupolofeto vua mu Mbimbiliya. Tandenu vilongesa.
“Você pode acreditar num futuro melhor”
“O que é o sinal dos ‘últimos dias’ ou ‘fim dos tempos’?”
“Será que a Bíblia já falava como as pessoas iriam pensar e agir hoje?”