Vulenu Vulika mu ku Kuasa Vakuenu—Vika Mbimbiliya ya Handekaho?
Mu mavu ose, vantu vavengi ve ku livua vulika na ku lisondoloka ku vakuavo. Vamo vakua ku tondesesa via cihindu nguavo ku kuasa vakuetu ya pua imo njila ya ku tepuluilamo vulika.
“Ku kuasa vaze va tondeka ci hasa ku hana vutumbe mu muono uetu kaha na ku hiana vulika.”—Institutos Nacionais de Desenvolvimento de Empresas dos EUA
Mbimbiliya ya kala na vimamuna via cili i hasa ku tu kuasa tangua na tangua, mua vati tu hasa ku kuasa vakuetu. Kaha ku pangesa vimamuana viaco vi hasa ku tu kuasa ku vula vulika.
Vi mu hasa ku linga
Muesenu ngozi. Tondenu vukovelelo vua ku simutuila mua kama na vantu cito na meso. Kaha lihakelenu kapandi ka ku va leka visinganieka vienu. Nga mu lingamo, halumo navo va kevua cizango ca ku likuata vusamba nenu.
Vitume via mu Mbimbiliya: “Hanenu, [kaha] nenu va ka mi hia.”—Luka 6:38.
Pangesenu ndzili yenu mu ku kuasa vakuenu. Tondenu vukovelelo vua ku kuasa vantu va li na ku hita mu visoti via vikalu. Eci cambatesela kumo na ku va halakana vuino kaha na ngozi, mu ku va lingilako vimo viuma vi hasa kuehuisa muono uavo.
Vitume via mu Mbimbiliya: “Kavusamba kuali mu ku kuasa mu ntsimbu yose oyo.”—Visimo 17:17. Versão Inglesa Contemporânea.
Linga mu uane mizimbu ikuavo mua vati mu hasa ku kala na vavusamba va cili, tandenu cilongesa “Ku Yoya Vuino na Vusoko na Vavusamba.”
Halumo mu Hasa ku Lema Naua Evi
VUTALA VUA KANIUNGI
Puenu Cihuanga mu Tambule Vivezikiso
Vuhuanga ka vue ku kuasa lika vakuenu vunoni nenu vavene. Vue ku sambeya vusamba na cizango ca ku pangela hamo. Vati mu hasa ku pua cihuanga ua ndzolela?
