Vuno Njambi ua Haka Seho ku Tuveveve na Tusindamatuitui Ni?
Lelo lino mu mavu ose, mua kala tuveveve na tusindamatutui va heta ku 70 miliões. Kaha cingi cavo ve ku handeka limo ku malimi a tuveveve a tuvakana 200, mu ku simutuila. Vunoni ca vusiua ku mona nguetu vintsimbu via vingi ava vantu ve ku va muesa vuhenge ku vakuavo, ngeci mu ya muesa imo mizimbu:
“Mu mavu ose, mpoko i va kala nayo tusindamatuitui na tuveveve vintsimbu vimo, ve ku i sembulula.”—National Association of the Deaf (U.S.).
“Mu vifuti vimo, tusindamatuitui na tuveveve vakevo va hutua cikuma kaha cingi cavo ka va kele na vukovelelo vua ku lilongesa, ku panga na ku linga viuma vikuavo via seho.”—World Federation of the Deaf.
Vati Njambi ue ku muenamo tusindamatuitui na tuveveve? Vika Mbimbiliya ya handeka ku tuala hali vakevo? Kaha vika vali na ku linga Vakaleho va Yehova mu ku va kuasa?
Cifua ce ku Muenamo Njambi tuveveve na tusindamatuitui
Mbimbiliya ya muesa ngecize, Yehova a ua haka seho ku tusindamatuitui kaha ua tonda linga va va niunge mua cili na ku uana ku vezika ca kala ha ku tambula vilongesa Viendi.
Mukanda ua Mbimbiliya: “Kati u ka singe kasindamatuitui.”— Levitiku 19:14.
Vi ca lomboloka: Lisiko lia Yehova ku vana vaIsaleli lia niungile mpoko i va kele nayo tusindamatuitui.
Mukanda ua Mbimbiliya: “Njambi ka hangula ku vantu.”— Vilinga 10:34.
Vi ca lomboloka: Yehova ua haka seho ku vantu va miyati yose, visemua na malimi ose, hamolika na tusindamatuitui.
Mukanda ua Mbimbiliya: “Yesu ua hitanganene mua ya membo ose. . . . , ua ambuluile zimpande zia cili zia vuangana.”—Mateu 9:35.
Vi ca lomboloka: Yesu uezile hano ha mavu linga a longesele vantu via Vuangana vua Njambi, na via ua lomboloka ku vantu vose, hamolika na tusindamatuitui.—Mat. 6:10.
Mukanda ua Mbimbiliya: Yesu ua lingisile “tusindamatuitui [kuivua] na tuveveve [ku] va handekesa”—Mako 7:37.
Vi ca lomboloka: Yesu ua muesele vi vu ka linga Vuangana vua Njambi mu ku kuasa tusindamtuitui kuivua na tuveveve ku handeka. Yesu te kanda a kanguise uze yala kasindamatuitui, ha katete, na cilemo cose ua pangesele mavoko mu ku simutuila nendi.— Mako 7:37.
Mukanda ua Mbimbiliya: “Na matuitui a tusindamatuitui a ka zikuka.”—Isaya 35:5.
Vi ca lomboloka: Yehova ua handekele ngueni, tusindamatuitui va kevua.—Isaya 29:18.
Vati Vakaleho va Yehova Lelo lino, ve ku Kuasa Tuveveve na Tusindamatuitui?
Vakaleho va Yehova mu mavu ose, vali na kuambulula muzimbu ua lulavelelo kuli vantu vapua tuveveve na tusindamatuitui. Vika ve ku linga Vakaleho Yehova mangana va hase ku vi puisamo? Tue ku tuhula Mbimbiliya na vivideo via ku longesa navio, mu malilmi a tuveveve a tuvakana 100. Cikuavo naua, tue kuendesa vilongesa via Mbimbiliya, na ku linga viuano via Vakua Kilistu mu lilimi lia tuveveve. Kaha viose evi, tue ku vi hana vuana kuli vaze vali na cizango ca ku tambula vukuasi vua Njambi. Omo lia vika? Muomu Yesu ua mamuine ngueni: “Vuana mu na tambula ngoco, vu hanienu ngoco.”—Mateu 10:8.
Mu hasa ku uana eyi mizimbu yose, mu site yetu ni ku i tupulula:
Mu JW.ORG. Mu kati ka site yaco, helu nianetu ha lilimi na ku tonda lilimi lika lia tuveveve mu tonda.
Mu JW Library Sign Language. Mu hasa ku tupulula vuana aplikativu yaco mu telefone, kaha mu ka hasa ku tupulula vivideo mu lilimi lia tuveveve.
Vikuata Vika tue Hana mu ku Longesa Navio Mbimbiliya?
Mbimbiliya mu lilimi lia tuveveve. Mbimbiliya ya Tradução do Novo Mundo mu lilimi lia tuveveve lia mu America, ikeyo ya tuhukile ha katete mu vutuntu. Kaha muaka ku muaka, Mbimbiliya ya Tradução do Novo Mundo va li na tuhula mu vuntuntu ni mu mitamba mu malimi akuavo a tuveveve. (Linga mu uane mukana ua malimi ni mu tale na ku tanda Mbimbiliya ya tuveveve, talenu cikasa “ Tradução do Novo Mundo em mais idiomas.”)
Linga mu tantekeye naua vati ve ku tuhula Mbimbiliya mu lilimi lia tuveveve, talenu video A versão completa da Tradução do Novo Mundo da Bíblia está disponível em língua de sinais americana.
Linga mu hase ku kala na vutongue vua ku tanda vuino Mbimbiliya mu lilimi lia tuveveve, tupululenu aplikativu yaco, mu JW Library Sign Language. Eyi aplikativu yaco, ya tavesa ku hangula vimo vinimbu via mu Mbimbiliya mu limo lia malimi a tuveveve.
Dmytro na Vita va pua tuveveve kaha vapua naua visemi, vunoni vana vavo ka va kele na citanga caco. Talenu vati vusoko vuavo ve ku uana vukuasi mu ku tanda Mbimbiliya mu lilimi lia tuveveve, matangua ose.
Vivideo via kala na vilongesa via mu Mbimbiliya. Vakaleho va Yehova va tuhula vivideo mu lilimi lia tuveveve, vie ku kuasa vantu ku ivuisisa na ku pangesa vitume via mu Mbimbiliya ku . . .
Ku lilongesa Mbimbiliya mu vulika. Lilongesenu Mbimbiliya mu lilimi lia tuveveve na umo mulongisi kuliya na ntsimbu yenu. Kaha vundilenu vukuasi mua vati, mu hasa ku lilongesayo.
Jeson Senajonon ua yoyela ku Filipinas. Talenu vati Mbimbiliya ya mu kuasele ku likuata vusamba na Yehova.
Mario Antúnez ua puile mulongisi ya vumo vulombelo ku Honduras. Mu muzimbu uendi ua ku yoya, talenu vati ua hasele ku uana vikumbululo ha vihula viendi. Tandenu “Eu tinha mais perguntas do que respostas.”
Viuano via vindende na via kama. Mu mavu ose, tua kala na vikungulukilo na vivunga mu malimi a tuveveve. Kaha simano ku simano, vantu vavengi ve ku likungulula mu ku lilongesa na ku lemesa Yehova. Kaha naua muaka muaka, tue vuahesa viuano via kama mu lilimi lia tuveveve linga tu longese vantu Mbimbiliya. Evi viuano viose, tue ku vi langulula mu malili a tuveveve. Cikuavo naua tue ku tuhula mikanda ya vuana mu braile.
Uanenu cikungulukilo ca kala mu hiehi nenu.
Tantekeyenu vikuavo ku tuala ha viuano via vindende na viuano via kama via nkala muaka.
Likungululenu ku ciuano ca seho ya kama, Mulalelo ua kutsa ca Yesu.
VaJosé Luis Ayala, ua yoyela ku Mexico. Ua semukile kasindamatuitui kaha mu nima yaco ua puile kapuputa. Talenu vati va mu kuasele ku pua mulongisi ua Mbimbiliya ua vutongue.
a Yehova lia pua lizina lia Njambi. (Visamo 83:18) Talenu cimpande “Iya ua pua Yehova?”