CIPANGA CA KU LANIA VANTU KU MULALELO
Yesu a ka Manusulako Ndzita
Yesu mua kele hano ha mavu ua lemene vantu mu cifua ca ku linga ua hetele vene na ha ku hana muono uendi mu ku tu tsila. (Mateu 20:28; Yoano 15:13) Kaha mu ku pua Muangana ua Vuangna vua Njambi, Yesu vuovuno a ka muesa naua cilemo cendi ku vantu, mua ka pangesa ngolo yendi mu ku lingisa “zindzita ku likela na haze ha lenga mavu.”—Visamo 46:9.
Mbimbiliya ya muesa vati Yesu a ka vi puisamo:
“Muomu ikeye a kohiela mukua ku zela omo tambeka, Na muhutu uze kesi na mukuasi. A ka tetela vahutu na vakua ku zela, Na miono ya vakua ku zela a ka i ohiela. A ka kula muono uavo ku mapakeso na luozi.”—Visamo 72:12-14.
Vati tu hasa ku muesa ku santsela kuli Yesu, ku viose vie ku tu lingila nevi via ka tu lingila ku lutue? Ku Luka 22:19, Yesu ue lekele vandongesi veni linga va ka vuluke kutsa cendi. Ngeci mukemuo, muaka ku muaka Vakaleho va Yehova ve ku vuluka mulalelo ua kutsa ca Yesu. Tua mi lania ku Mulalelo ua Kutsa ca Yesu lia calumingo, 24 ya março ya 2024.