Citava mu Yoye Muono ua ku Hona ku Sakalala Mutima
Mana a mu Mbimbiliya a hasa ku mi kuasa ku hona ku lisosomua ngoco. Etu vantu ka tu hasa ku manusula viose vie ku tu lingisa ku lisosomua, vunoni Sakatanga uetu a hasa. Muomu ua tumine Yesu Kilistu mu ku tu hakuila. Kaha ku lutue a ka tu lingila viuma via vingi ku hiana vize via lingile mua kele hano ha mavu. Ca ku muenako:
YESU A KA TUNDISAKO KU VAVALA.
‘Va nehele kuli ikeye vose va vavalele, vaze va yandele na mavezi na misongo yeka na yeka . . . , kaha ua va kanguisile.’—MATEO 4:24.
YESU A KA HANA VINDZIVO NA VIA KULIA KU VANTU VOSE.
“Kaha [vaze va a ka sika Kilistu] va ka tunga zindzivo, na ku kalamo; kaha va ka tombeka vitungu via viniu, na ku lia vusuka vuavio. Ka va ka tunga, na mukuavo ku kalamo; ka va ka tombeka, na mukuavo ku liako.”—ISAYA 65:21, 22.
KU SIKA CA YESU CI KA NEHA CIYULO NA KU LEMBAMA.
“Mu matangua eni mukua vuviuke a ka sokolokela, Na ku-lana ca ciyulo, noho ngonde ka i ka kala naua. Ikeye a ka kala na vuangana naua fume ku mema a kalunga na ku heta ku mema a kalunga, Na fume ku Ndonga noho ha lenga mavu. . . . Na vitozi veni va ka liasa mpumputa.”—VISAMO 72:7-9.
YESU A KA TUNDISAKO VUHENGE.
“A ka tetela vahutu na vakua ku zela, Na miono ya vakua ku zela a ka i ohiela. A ka kula muono uavo ku mapakeso na luozi.”—VISAMO 72:13, 14.
YESU A KA TUNDISAKO NAUA TUYANDO NA KU TSA.
“Kaha a ka hunda masozi ose ku meso avo; na ku-tsa ka ci ka kala naua; cipue ku-linienga na vusiua ka ci ka kala naua, cipue ku lila, cipue ku vavala.”—KU-SOLOLA 21:4.
