Ku Tantekeya Njambi ci tu Kuasa ku Likuata Vusamba Neni
Njambi ka puile lika imo ndzili. Ua kala na vifua via cili. Kaha ua tonda tu lilongese vieni na ku likuata vusamba neni. (Yoano 17:3; Tiango 4:8) Ngeci mukemuo, ua tu hana mizimbu ye ku tu kuasa ku mu tantekeya.
Sakatanga Uetu ua Kala na Lizina
“Linga va tantekeye ngecize yove lika, Lizina liove Yehova, yove Mukua ku Hiana viose hose ha mavu.”—VISAMO 83:18.
Mbimbiliya ya muesa ngecize Yehova ikeye lika Njambi ua vusunga. Ikeye ua tangele mavu na muono. Ikeye lika na fuila ku mu lemesa.—Ku-Solola 4:11.
Yehova ua pua Njambi ua Cilemo
“Njambi ikeye cilemo.”—1 YOANO 4:8.
Yehova ue ku pangesa Mbimbiliya na viuma via tangele mu ku tu longesa vifua vieni via vingi. Vunoni cilemo cikeco cifua ca seho ya kama. Muomu viose vie ku linga Njambi ue vi lingila omo lia cilemo. Kaha omo tu tualelelaho ku lilongesa via Yehova, cilemo cetu kuli ikeye ci ka livuezelela.
Yehova ua pua Njambi Mukua ku Konekela
“U Njambi mukua ku liviukisila lumo mu ku ecela ku vipi.”—NEHEMIYA 9:17.
Yehova a tantekeya ngecize ka tua tantulukile. Ngeci ua “liviukisila lumo mu ku ecela” vipi vietu. Nga tu mu lomba ku konekela na ku lihakela kapandi ka ku likela ku linga via ku vihia, a ka tu ecela na mutima uose ca ku hona ku tu vuluisa vi tua lingile laza.—Visamo 103:12, 13.
Yehova ua Tonda tu Vundile Kuli Ikeye
“Yehova a li mu hiehi na vose vaze va mu tambakana . . . A kevua mutambi uavo naua, na ku vohiela.”—VISAMO 145:18, 19.
Yehova ka tondo tu pangese tumponia ni viuma vikuavo mu ku mu lemesa. Ue ku halakana vivundilo vietu ngue mu ve ku linga visemi va cilemo na vana vavo.
Halumo mu Hasa ku Lema Naua Evi
VIHULA VIA MBIMBILIYA VI VA KUMBULULA
Iya ua pua Yehova?
Vuno Njambi ua pua lika ua cimo civunga ca vantu, ngeci mua vaIsaleli ni?
