VaRani va uanene ndzolela ya vusunga mu va lilongesele ngecize Sakatanga uetu, Njambi mukua ku hiana viose, a hasa ku tu hana mana a vusunga. Omo mu tanda vimpande vi na hatako, talenu vati vilongesa via Njambi vi hasa ku mi kuasa . . .

• ku yoya mu ndzolela mu vusoko

• ku yoya mu ciyulo na vakuenu

• ku viukilila na vize vi mua kala navio

• ku ivuisisa omo lia vika tue ku yanda na kutsa

• ku tsiliela ngecize Sakatanga uetu a ka tundisako lamba na ku tu hana muono ua ndzolela

• ku tantekeya Sakatanga uetu na ku pua kavusamba keni

Mu ka tantekeya naua ngecize Sakatanga uetu ke ku hangula vantu va a hana mana eni, vunoni ue ku a hana ku vose ve ku a lengeya.