ANO MAVU ALI MU LIUAYANGA
1 | Niungenu Cihindu Cenu
OMO LIA VIKA CA PUA CA SEHO
Ku kaluua ca viuma ni viyovo via mavu, vi hasa ku kuata ku cihindu cetu mu vinjila via ku liseza-seza.
-
Nga viuma via ku vihia vi soloka, vantu ve ku sakalala mitima. Kaha nga vantu va sakalala mu ntsimbu ya kama ve ku vavala.
-
Visoti via ku liseza-seza vie ku kaluuisa vakua visipitali ku saka vuino vantu, muomu vavengi ve ku vavala kaha halumo ka kue ku kala vihemba via ku puamo.
-
Visoti via kama, vie ku kokela vantu vuhutu muomu ve ku honoua ku landa viuma vi ve ku tondeka ngeci mua via kulia via cili na vihemba.
Vi mua Pande ku Tantekeya
-
Mavezi a kama na ku sakalala mutima, ci hasa ku kokela muntu ku linga vihangula via ku vihia vize vi hasa naua ku kuata ku cihindu ceni. Omo liaco, mu hasa naua ku vavala cikuma.
-
Nga ka mua niungile vuino cihindu cenu, mu hasa ku haka muono uenu mu vusonde.
-
Nga mu kala na cihindu ca cili, mu ka hasa ku linga vihangula via cili ambe nga liuayanga lia katuka.
-
Ambe nga mua pua vampite ni vihutu, mu hasa ku lingako mumo mu ku niunga cihindu cenu.
Vi mu Hasa ku Linga mu Ntsimbu Ino
Mukua mana ue ku muena vualumo vusonde na ku lingako mumo mu ku liniunga. Evi vie ku kuasa ambe ku cihindu. Mu hasa ku tepulula ku mavezi nga mu lihakela kapandi ka ku pua va ku lela na ku lelesa ndzivo yenu. Vakuluntu nguavo, mbilenu matanda ha mbandza linga vanjamba va a uaneneho.
“Nga tu pua na ku lilelesa, na ku lelesa hembo lietu, tu ka tepulula ku vimbongo vi tue ku sanduela ku sipitali na ku landa vihemba ku sua kumo.”—VaAndreas. a
a Amo mazina va na alulula muno mu mukanda.
Halumo mu Hasa ku Lema Naua Evi
VINGILENU!
Nga mua Sakalala Mutima, Vika mu Hasa ku Linga?
Talenu vimo vitume via seho vi hasa ku mi kuasa ku tepulula ku ku sakalala mutima.
