Omuo lia Vika Lelo Lino Vantu ka ve Lisingimika Naua?
OMUO LIA VIKA VANTU KA VE KU LISINGIMIKA?
Vantu ve ku lisingimika ve ku hasa ku pinda na visoti via muono na ku kala na lulavelelo. Kaha kave ku hilukila mu nima vuasi-vuasi.
-
Cimo ku tondesesa ca muesa nguaco, vantu ve ku lisingimika va hasa ku kala na vitanga via ku lisosomua, litima, kulia, kunua cikuma, na ku fuenia vidroga.
-
Vantu ve ku lituala mana ka ve ku lisetekesa na vakuavo kaha ve ku linga vusamba vua cili. Vunoni vaze ka ve ku lisingimika va lema ku hisa, kaha ka va kele na vusamba vua cili.
-
Cikuavo naua, vantu ve ku lisingimika ve ku kolesa mu visoti na kulihakela kapandi a kupuisamo vizango via cili. Vunoni vaze ka ve ku lisingimika, ve ku tavesa tuvisoti tua tundende tu vazeyese na ku likela vuasi-vuasi ku puisamo vizango via cili.
VIKA MU HASA KU LINGA?
Hangulenu vavusamba va cili. Likuatenu vusamba na vantu ve ku mi singimika, va mi haka seho na vaze ve ku mi kaniamesa.
Kuasenu vakuenu. Nga mu kuasa vakuenu ca ku hona ku mi fueta, mu kevua ndzolela ya vusunga ye kuiza mu ku hana. Kaha naua, mu kevua ndzolela vutuhu vakuenu ka va mi santsela.
Kuasenu vana venu va limuese kasingimiko. Imo njila ya ku va kuaselamo ya pua, ku vecelela va manusule tuvisoti tua tundende. Ku lingamo, ci ka va longesa mua ku pindila na visoti viavo. Kaha naua, cika va kuasa ku vueza ku kasingimiko mu va ka kola.
VI VE KU LINGA VAKALEHO VA YEHOVA
Viuano via Vakaleho va Yehova hamo lika na vilongesa via mu Mbimbiliya, vie ku kuasa vantu kualulula miono yavo na ku lilongesa mua ku mueselamo kasingimiko.
VIUANO VIETU VIA SIMANO
Viuano vietu via simano, tue ku kala na civezikiso ca ku halakana vimpande via mu Mbimbiliya, vize vie ku tu longesa mua vati tu hasa ku kala na kasingimiko. Viuano vietu via pua via vuana kaha vantu vose citava vayeko. Ca ku muenako, ku viuano vietu mu ka lilongesa . . .
-
vuno Njambi ua mi haka seho ni?
-
vati mu hasa ku kala na vutumbe vua cili mu muono?
-
mua ku kaniamesela vusamba vua cili ntsimbu yose
Mu hasa naua ku uana vavusamba vaze ve ku liniunga “umo na mukuavo.”—1 Kolintu 12:25, 26.
Tantekeyenu naua vikuavo ku tuala ha viuano vietu, mu ku tala video Vika vie ku Hita mu Ndzivo ya Vuangana? mu jw.org.
VILONGESA VIETU VIA MU MBIMBILIYA
Tue ku longesa Mbimbiliya vuana ku hitila mu livulu Yoyenu mu Ndzolela ku Miaka Yose! Ou mukanda u ka mi kuasa kuivuisisa vilongesa via ntsindo via kala mu Mbimbiliya ku hitila mu vihula, ku hilula, vivideo kaha na vikupulo via cili. Vilongesa viaco, vie ku kuasa vantu kulivua ngecize va kala na seho na kualulula miono yavo.
Linga mu tantekeye vati kulilongesa Mbimbiliya na Vakaleho va Yehova cihasa ku mi kuasa, talenu video Vika mua Pande ku Lilongesa Mbimbiliya? mu jw.org.
Halumo mu Hasa ku Lema Naua Evi
YETU VEYA
Vundilenu Cilongesa
Simutuilenu ku tuala ha vihula via mu Mbimbiliya ni lilongesenu via vingi ku tuala ha Vakaleho va Yehova.
YETU VEYA
Viuano via Vakaleho va Yehova
Tantekeyenu kulihi tue ku kungulukila na vati tue ku lingamo. Uose a tonda citava a kunguluke kaha ka ve ku fuetesa.
