va tsiliela nguavo lamba ye kuiza omo lia vilinga via vipi vie ku linga muntu mu ntsimbu ino ni via lingile ku laza. Ci hasa ku kuasa muntu ku heta ku mocsa ni nguetu, lamba ye ku hua lika omo muntu ue ku heta ku ku patuka mu ku semuka mu vifua via ku liseza-seza.

va tsiliela nguavo lamba ya pua kasitiku omo lia vupi, kaha naua ya pua ceseko ca lutsilielo. Ndotolo Sayyid Syeed uze ua pua ntuamena ua Sociedade Islâmica Norte Americana ngueni, vimponde via pua “civuluiso ngecize tua pande ku tualelelaho ku santsela Njambi omo lia vivezikiso viose vie ku tu hana, kaha naua tua pande ku kuasa vaze va tondeka vukuasi.”

ca muesa ngecize lamba ye ku iza omo lia vilinga via muntu. Kaha vamo vaYundeya nguavo ku ka kala cisangukilo, kaha vaze va yandele ka va ka yanda naua. Limo livulu lia vaYundeya lie ku longesa ngecize muntu ue ku semuka lueka mu vifua via ku liseza-seza. Ngeci nga muntu na semuka lueka ue ku kala na vukovelelo vua ku liveya vipi via lingile ku laza.

va tsiliela nguavo muntu ue ku mona lamba mu vifua viose via semukilamo lueka, kaha ye ku tualelelaho noho ha vi ka huila vilinga, visinganieka, na vizango via ku pihia. Kaha ku hitila mu mana, vilinga via cili, ku lipokuesa mu visinganieka vie ku hetesa muntu ku nirvana, ni nguetu muono ua ku hona lamba.

limo livulu ngualio vakua Konfusiu nguavo cingi ca lamba ye ku iza omo lia “visevuka via muntu.” Cikuavo naua, nguavo lamba i hasa ku tepuluka nga muntu a yoya na kakesi ka cili, kaha ovio viaco vie ku soloka ku hitila mu “vimbembesi via kala na ngolo ku hiana vantu. Muntu a zange ka zangele noho a tave vi ca hangula cimbembesi caco.”

nguao lamba ye ku iza omo lia vinganga ni vilozi. Kuliya nevi, vilozi va hasa ku vezikisa ni ku vindamesa muntu, kaha lamba i ve ku koka i hasa lika ku tepuluka nga muntu va mu lombelela ni ku mu sikila mahamba vintsimbu via vingi. Va tsiliela naua nguavo, nga muntu a yanda cikuma omo lia vumo vuvezi, ku likikiya ce ku teuesai vilozi.

va tsiliela nguavo lamba yeza omo lia vupi vua vantu vavali va katete, ngue mu lia muesa livulu lia Njenisisi. Vunoni amo malombelo a vuezako vilongesa viavo vavene. Ca ku muenako, vamo vakua Katolika va tsiliela nguavo lamba ya muntu citava ku i kundika mu mavoko a Njambi linga a vezikise vulombelo, ni Njambi a hasa ku pangesa lamba yaco mu ku ovola muntu mukuavo.