1 Vuno Njambi Ikeye ue ku tu Kokela Lamba Ni?
Tantekeyenu nga Mukemuo ni Kuahi
Vantu vavengi ve ku sondoloka Njambi muomu ve ku mu tuika mulonga nguavo ikeye ue ku koka lamba.
Nga mu Hilulaho Vuino
Cingi ca vakuluntu va malombelo, handekesi na vilongesa viavo ve ku muesa ngecize Njambi ikeye kavikoka. Ca ku muenako, vamo ve ku handeka nguavo:
-
Njambi ue ku hana kasitiku ku hitila mu viyovo via mavu.
-
Vanike ve kutsa muomu Njambi ikeye ue ku va sana va ka pue tungelo muilu.
-
Njambi ue ku likovelesa mu vindzita vi ve ku lua vantu.
Vuno evi vilongesa viaco vikevio via va tuma Njambi ku longesa ni? Vati co nga Njambi ua va viana?
TANTEKEYENU VIA VINGI
Talenu video Vika mua Pande ku Lilongesela Mbimbiliya? ili mu jw.org.
Vi ya Handeka Mbimbiliya
Njambi kati ikeye ue ku tu kokela lamba.
Muomu nga ikeye, kaha ka via litombuele na vifua vieni vi va tumbula mu Mbimbiliya. Ca ku muenako:
“Cipanga [ca Njambi] ca tantuluka. . . . Mukua vuoloke na mukua ku viuka ikeye.”—NDEUTELONOMI 32:4.
“Ngoco vene halakanenu kuli ange, enu vamala vakua mana: Ci li ku laako na Njambi, amba a linge vupi, Na Mukua Ngolo yose, mangana a linge vipi.”—YOMBI 34:10.
“Cili, mua vusunga, Njambi ka tava ku linga via vipi, Cipue Mukua Ngolo yose ka tava ku hengesa vusunga.”—YOMBI 34:12.
Njambi ke ku tava vaze ve ku likuisa nguavo ve ku mu lemesa, vunoni ve ku linga vieka.
Ue ku viana naua malombelo aze eku ongesa nguao Njambi ikeye ue ku tu kokela lamba, na vaze ve ku likovelesa mu vindzita na vukenia.
“Vapolofeto va li na ku ambulula makuli mu lizina liange [Njambi]; ka nja va tumine, cipue ka nja va sikile, cipue ka nja handekele navo: va mi ambuluila cimona ca makuli, . . . na ku-kokola ca mutima uavo vavene.”—YELEMIYA 14:14.
Yesu ua hisile ku lemesa ca civembulu.
“Kati uose a handeka nange, ngueni, Muangana, Muangana, a kengila mu vuangana vua muilu, cahi; ku vanga uze ue ku linga cizango ca Tata u li muilu. Va vengi va ka handeka nange ku litangua lize, nguavo, Muangana, Muangana, ka tua zimbuile vupolofeto mu lizina liove, na vandemone ka tua va fumisile na lizina liove, na vipupu via kama via ngolo ka tua vi lingile na lizina liove, ni? Kaha ange nji ka va kuania, nguange, Ka nja mi tantekeyele na ntsimbu na imo yahi: fumenu kuli ange, enu vakua ku linga vupi.”—MATEO 7:21-23.
Halumo mu Hasa ku Lema Naua Evi
VUTALA VUA KANIUNGI
Ku Mona Lamba—Ca Pua Kasitiku ka Njambi Ni?
Vuno Njambi ue ku pangesa viyovo via mavu na misongo mu ku hana kasitiku ku vantu?
