4 Vuno va tu Tangele Linga tu Yande Ni?
Tantekeyenu nga Mukemuo ni Kuahi
Cikumbululo ca kuata ku vati tue ku muenamo muono.
Nga mu Hilulaho Vuino
Vuno cili vene Njambi uze ua tangele viuma via cili ikeye ue ku tu kokela lamba ni?
Omo lia lamba vantu vaze ka va kele na vulombelo, ve ku paya viuma vie ku linga Njambi. Kaha va tsiliela nguavo tue ku mona lamba muomu (1) Njambi ka kele na ngolo ya ku i manusula, (2) Njambi ka tondo ku i manusula, (3) Njambi ka keleko.
Vuno evi vikevio lika vie ku lingisa vantu va yande ni?
TANTEKEYENU VIA VINGI
Talenu video Vati tu Hasa ku Kala na Vusunga Nguetu Mbimbiliya ya pua ya Vusunga? ili mu jw.org.
Vi ya Handeka Mbimbiliya
Njambi ka tu tangele linga tu pue na ku yanda.
Ua tonda tu yoye mu ndzolela.
“Nja tantekeya ngecize ka cesi ceka ca ku hiana ca va pande ku vanga ku viukilila, na ku linga via cili ntsimbu yose i va ku yoya. Kaha naua ngecize muntu uose na pande ku lia na ku nua, na ku viukilila vize via cili ku vipanga vieni viose, cikeco vuana vua Njambi.”—EKELESIASTE 3:12, 13.
Njambi ua hele viose ku vantu vavali va katete linga va yoye ca ku hona lamba.
Ka va tangele linga va pue na ku yanda, cipue vene vana vavo.
“Njambi ua va vezikisile: na Njambi ua handekele navo ngueni, Semenu, na ku lilanesa, kaha sulisenu mavu naua, na ku a ononuesa.”—NJENISISI 1:28.
Vantu vavali va katete va hanguile ku muesa lisino kuli Njambi.
Omo liaco, va likokelele lamba vakevo vavene na ku kokela lamba vana vavo.
“Ngoco vene ngue hali yala umo lika, vupi vua kovelele hano ha mavu, na ku-tsa ha vupi; kaha ngecize ku-tsa ci na hete ku vantu vose muomu vose va na lingi vupi.”—LOMA 5:12. *
Njambi ka tangele vantu na vuhasi vua ku lituamenena vavene.
Etu vantu ka tue ku hasa ku yoyela kuintsi lia mema, na vuno vene ka tu hasa ku lituamenena etu vavene.
“Ka muesi muli muntu mukua ku enda ku liinikila vinanga vieni.”—YELEMIYA 10:23.
Njambi ka tondo tu hite mu lamba.
A tonda ngueni tu linge cose mu ku lihenga ku visoti.
“A nga ua tavele ku halakana masiko ange! Nga ciyulo cove ca puile ngue ndonga, Na vuviuke vuove ngue mancimpa a kalunga.”—ISAYA 48:18.
^ cin. 17 Mu Mbimbiliya lizi “vupi” ka liemanene lika vilinga via ku vihia vunoni liemanena naua cifua ci va suana vantu vose.
Halumo mu Hasa ku Lema Naua Evi
VUTALA VUA KANIUNGI
Vati ue ku Livua Njambi ha Tuyando Tuenu?
Evi vinimbu via mu Mbimbiliya vi hasa ku mi kuasa ku tantekeya vati Njambi ue ku livua ku tuala ha tuyando.
