LELO LINO VAKUA KU TONDESESA VALI NA KU HILULA MUA KAMA HA CIFUA CI VE KU LIVUILAMO VANTU NGA VA NA TSISA. Vunoni, ngeci mu tu na muene mu vilongesa vi na hiti, vimamuna via seho ya kama ku tuala ha ku tsisa tu hasa ku vi uana mu Mbimbiliya. Evi vi muesa ngecize, vutuhu Mbimbiliya ya pua ya laza, vunoni kasi i hasa ku tu kuasa. Kaha mu Mbimbiliya tu hasa ku uanamo mizimbu ka tu hasa ku uana na kumo kueka kuahi, mizimbu i hasa ku lembezieka muntu na tsisa.

• Kalenu na vusunga ngecize kavusoko kenu kesi na ku yanda

  Ekelesiaste 9:5 nguayo: “Vatsi ka va tantekeya na vimo viahi.” Kaha Visamo 146:4 nguayo: ‘Visinganieka viavo vie ku nonga.’ Evi via muesa ngecize muntu nga natsi ci na pue ngue na kosa mu ciyulo.—Yoano 11:11.

• Ku tsiliela muli Njambi ua cilemo, ce ku lembezieka

  Visamo 34:15 nguayo: “Meso a Yehova a ali kuli vakua vuviuke na matuitui eni a na zikuka ku mutambi uavo.” Ku vundila kuli Njambi ka ca puile ngue ku liniateka ca ngoco. Vunoni ca pua ku likuata vusamba na Sakatanga, uze ua kala na vuhasi vua ku tu lembezieka.

• Ku lutue, kavusoko kenu tangua a ka sanguka na ku yoya vuino

  A ci singaniekenu nga vose vali mu vihilo va sanguka! Mbimbiliya ya muesa kusua kumo ngecize vatsi tangua va ka sanguka. Ku tuala ha vati a ka fua mavu ku ntsimbu yaco Mbimbiliya nguayo: ‘Njambi a ka hunda masozi ose ku meso etu; na kutsa ka ci ka kalako naua; cipue ku-linienga na vusiua ka vi ka kalako naua, cipue ku lila, cipue ku vavala, navio ka vi ka kalako naua.’—Ku-Solola 21:3, 4. 

Cingi ca vaze va tsiliela muli vavenya Mbimbiliya Yehova, ve ku hasa ku pinda na vusiua vua kala ha ku tsisa omo lia lulavelelo lua cisangukilo. Ca ku muenako, Ann umo mpuevo ua tsisile yalieni mu nima ya ku kala hamo miaka 65, nguendi: “Mbimbiliya ya nji hana vusunga ngecize vavusoko vuetu vatsa ka vesi na ku yanda, kaha Njambi tangua aka sangula vaze vali mu visinganieka viendi. Evi visinganieka vie ku nji kuasa mua kama nga nji singanieka ha kutsa ca yaliange. Muomu kutsa ceni, cikeco cisoti ca kama ci nja lihita naco mu muono.”

Tiina, u tu na tumbula vintsimbu via vingi mu mukanda uno, nguendi: “Tunde ha litangua lia tsile Timo, nje ku limuena vukuasi vua Njambi mu muono uange. Nje ku limuena livoko lia Yehova li nji kuasa ha vintsimbu via vikalu cikuma mu muono uange. Cikulaheso ca cisangukilo ca pua ca seho ya kama kuli yange. Ce ku nji kuasa ku tualelelaho ku kolesa noho ha nji ka muena Timo lueka naua.”

Eyi mizimbu ya muesa cifua ci ve ku livuilamo makulukazi na makulukazi a vantu va tsiliela mu Mbimbiliya. Ambe nga mue ku singanieka nguenu vikulaheso via mu Mbimbiliya via pua visimo ni vilota via ngoco, mu likuasa enu vavenya nga mu hilula ha vikulaheso na vimamuna viayo. Citava mu ka limuena ngecize ka kuesi livulu lieka lia ku lembezieka ku hiana Mbimbiliya.

Talenu vivideo ku tuala ha cimpande caco mu saiti yetu jw.org Niatenu ha Mikanda > VIVIDEO

VATSI VALI MU CIFUA CIKA?

MU TONDA KUIVUA MUZIMBU UA CILI NI?