Ku Tantekeya Njambi
Ngue mu tua mono mu cilongesa ca ku livanga ca uno mukanda, vavengi va mona Mbimbiliya ku pua livulu lia ku lela. Kaha mu ve ku lilongesayo na ku pangesa vitume viayo ve ku livua mu hiehi na Njambi na ku tantekeya vutumbe vua muono uavo.
Mbimbiliya ya lombolola muntu ka tantekeya Njambi ni kesi “na Sipilitu” kuliya na vilinga vieni via tangua na tangua. (Yunda 18, 19) Vantu ka ve ku lengeya ku tuamenena ca Njambi ve ku tsiliela mu mana avo vavene, vunoni vaze va tonda Njambi a va tuamenene ve ku ononoka vitume vieni.—Efeso 5:1.
LULAVELELO
CITUME CA MU MBIMBILIYA: “Nga u lezumuka [ni ku zeya] ku litangua lia kayando, Ngolo yove ya indende.”—Visimo 24:10.
VI CA LOMBOLOKA: Ku zeya ci hasa ku tu manusula ndzili i tua tondeka linga tu hase ku lua na visoti mu muono. Vunoni lulavelelo lu hasa ku tu hana ndzili i tua tondeka. Kaha tu hasa ku simpa nga tu nongonona ngecize cingi ca visoti vietu, via pua via kantsimbu ka kandende lika kaha tangua vi ka hua.
VI MU HASA KU LINGA: Singaniekenu ha viuma via cili vi ka soloka ku lutue. Mu cihela ca ku lisosomua na viuma vi hasa ku soloka, ni ku vandamena viuma vi lisungamese, lingenuko mutamba uenu kuliya na vutumbe vu muli navuo. Vutuhu ‘ntsimbu na luvinda’ vi hasa ku soloka. (Ekelesiaste 9:11) Mua vusunga, vimo viuma vie ku lingika mu njila ya cili ku hiana muze mu tua vi singaniekele. Mu ku tsindika ha viuma viaco, Mbimbiliya ya pangesa cimo cimueso nguayo: “Ku cimene kuva mbuto yove, kaha ku cinguezi kati u vindike livoko liove; muomu ka ua tantekeyele mbuto ika i ka vezika, nga eyi, ni oyo, cipue nga viose vivali vi ka viuka mumo.”—Ekelesiaste 11:6.
VIKUMBULULO VIA VIHULA VIA SEHO MU MUONO
CITUME CA MU MBIMBILIYA: ‘Nji hie mana, . . . Lizi liove likelio vusunga.’—Visamo 119:144, 160.
VI CA LOMBOLOKA: Mbimbiliya ya kumbulula vihula vi ve ku linga vavengi. Ca ku muenako, ya kumbulula vihula ngeci mua
-
Kulihi vantu va tunda?
-
Vutumbe vua muono vuka?
-
Vika vie ku soloka ku muntu nga a tsa?
-
Vuno muono ukeuo lika vene ou ni kua kala ueka?
Makulukazi a vantu mu mavu ose ve ku yoya muono ua cili mu ku hilula ha vikumbululo vi ya hana Mbimbiliya ku vihula ngeci muevi na vikuavo.
VI MU HASA KU LINGA: Hilulenu vi ya longesa Mbimbiliya. Lombenu umo Mukaleho ua Yehova linga a mi kuase ku ivuisisa Mbimbiliya. Mu hasa naua ku kovela mu saiti yetu jw.org, ni ku kunguluka netu, kaha ka ve ku fuetesa.
VITUME VIKUAVO VIA MU MBIMBILIYA
Talenu video Vika mua Pande ku Lilongesela Mbimbiliya? ili mu jw.org. Kaha ya kala mu malimi a tuvakana 880
TANTEKEYENU NGECIZE MUA TONDEKA KU TANTEKEYA NJAMBI.
“Va vezika vakua ku hutua mu cimbembesi.”—MATEO 5:3.
LILONGESENU VIA VINGI KU TUALA HALI NJAMBI U VA TUMBULA MU MBIMBILIYA.
‘Lengeyenu Njambi, . . . na ku mu uana . . . muomu ikeye kesi ku laako netu vose.’—VILINGA 17:27.
TANDENU NA KU HILULA MUZIMBU UA MU MBIMBILIYA.
“A viukilila lisiko lia Yehova; * Kaha a yongola lisiko lieni mutana na vutsiki. . . . Kaha viose vi a ku linga vi ka vezika.”—VISAMO 1:2, 3.
^ cin. 23 Kuliya na Mbimbiliya Yehova lia pua lizina lia Njambi.
Halumo mu Hasa ku Lema Naua Evi
VUTALA VUA KANIUNGI
Vati Mbimbiliya i Hasa ku nji Kuasa mu Muono?
Eli livulu lia laza lia kala na vimamuna via ntsindo.
