Talenu malungano a vamo vantu va uana vivezikiso mu ku tanda Mbimbiliya na ku pangesa vimamuna viayo mu muono.

“Muono uange u na pu honi ua cili, cifua ci nje ku livuilamo na cifua ci nje ku singaniekelamo ci na aluluka. Kaha nja yoya mu ndzolela.”—Fiona.

“Tunde ha nja lilongesela Mbimbiliya, nja uana vutumbe vua muono.”—Gnitko.

“Muono uange u na pu ua cili cikuma, muomu nje ku panga honi ntsimbu ya indende kaha nje ku kala ntsimbu ya kama na vusoko vuange.”—Andrew.

Eyi mizimbu ya indende lika vunoni kua kala mizimbu ya yingi ya vantu mu mavu ose va uana ku vezika ca ku kava vimamuna via mu Mbimbiliya ku tuala ha muono ua tangua na tangua.

Tu ci talenu vati Mbimbiliya i hasa ku kuasa vantu ku kala na . . .

• Cihindu ca cili

• Cihindu ca mu visinganieka

• Ku yoya vuino na vusoko na vavusamba

• Ku pangesa vuino vimbongo

• Ku tantekeya Njambi

Vilongesa vi na hatako, via muesa ngecize Mbimbiliya ya tunda kuli Njambi kaha i hasa ku mi kuasa mu muono ua tangua na tangua.