Muesenu Cilemo
Citanga
Visinganieka via ku muesa kahangu ka vie ku hua vuasi-vuasi. Ca ku muenako, ce ku ambata ntsimbu linga muntu a kanguke ku vumo vuvezi, na vuno vene ce ku ambata ntsimbu linga kahangu kahue. Vika mu hasa ku linga mangana mu tundise kahangu mu mutima uenu?
Vi ya Handeka Mbimbiliya
“Zalenu cilemo, cikeco lizitiko lia ku tantuluka.”—KOLOSE 3:14.
Vika ca lomboloka? Ku lingila vakuetu viuma via cili, ce ku tu kuasa ku likuata kumo. Muomu nga tu muesa cilemo ku vakuetu tu ka manusula visinganieka via kahangu, kaha mu mutima uetu ka mu ka kala cihela ca ku va singaniekela via ku vihia.
Vi mu Hasa ku Linga
Singaniekenu ha vati mu hasa ku mueselamo cilemo ku vantu va ku muyati u mua kele na ku singaniekela via ku vihia. Ka ci tondeka mu linge viuma via kama cikuma. Setekenu ku linga viuma vi na hatako:
Nga mu muesa cilemo ambe mu viuma via vindende, mu ka litundisa kahangu
Muesenu ngozi ku vantu va ku vifuti vieka, ca ku muenako nga va mi pinga vumo vukuasi, ni ambe nga mu li mu likalu citava mu va sileko cituamo.
Setekenu ku simutuila navo ambe nga ka va tantekeya vuino lilimi lienu.
Puenu vakua lukakatela nga va linga vimo ka via mu lombolokele vuino.
Va halakanenu vuino nga va handeka via visoti viavo.
Halumo mu Hasa ku Lema Naua Evi
VINGILENU!
Vitume vi mi Kuasa ku Yoya mu Ciyulo na Vakuenu
Vifua vika vi hasa ku tu kuasa ku yoya mu ciyulo na vakuetu?
