Tantekeyenu Mizimbu Yose
Citanga
Vavengi ve ku muesa kahangu omo lia ku halakana mizimbu ya makuli. Talenu vimueso vi na hatako:
-
Vamo vakuluntu va vipanga ve ku sevuka mu ku singanieka nguavo vampuevo ka va hasa ku linga vipanga via tondeka ndzili ni vutongue.
-
Vavene mbonge halumo va hasa ku vangeya vakua vimbonge vieka nguavo veza mu ku va tambula vipanga viavo.
-
Vantu vavengi ve ku sevuka mu ku singanieka nguavo, vantu va kala na vumo vulema ha muvila va yoya mu vusiua kaha va kala na nkulundundu.
Vantu va tsiliela mu makuli aco, ve ku uana vukovelelo vua ku muesa kahangu ku vakuavo. Kaha ve ku singanieka nguavo uose ka vi tsilielele ua pua ua ku salela.
Vi ya Handeka Mbimbiliya
“Nga mutima ka uesi na mana, ka u viuka.”—VISIMO 19:2.
Vika ca lomboloka? Ku hona ku tantekeya mizimbu yose, ci hasa ku tu lingisa ku hangula via ku vihia. Nga tu tsiliela mu makuli ku hiana vusunga tu ka hisa ngoco vakuetu.
Seho ika ya Kala ha ku Tantekeya Vusunga ku Tuala ha Vakuetu?
Nga tu ka tantekeya vuino vantu, ka tu ka tsiliela makuli a ve ku handeka ku tuala hali vakevo. Kaha nga tua nongonona ngecize viuma vi ve ku handeka vantu ku tuala ha umo muyati via pua via makuli, tu ka lihakela kapandi ka ku tantekeya vusunga.
Vi mu Hasa ku Linga
-
Nga muntu a handeka ngueni vakua muyati ua cingandi ka va puile vantu va cili, vulukenu ngecize kati vose vakua muyati uaco mukemuo mu va fua, houe.
-
Vulukenu ngecize halumo ka mu tantekeya vuino mizimbu ya yingi ku tuala hali umo muyati.
-
Lihakelenu kapandi ka ku va tantekeya.
Halumo mu Hasa ku Lema Naua Evi
VUTALA VUA KANIUNGI
Vika ya handeka Mbimbiliya ku tuala ha vuoleke?
Vuno Njambi ua lema cimo civunga ca vantu ku hiana vakuavo ni? Vuno Njambi ue ku vezikisa vimo vivunga via vantu na ku singa vikuavo ni?
