Vavene nguavo, “Mu va kele na ku nji saka nja kele cikuma na vuoma. Vunoni mu nja vundilile kuli Yehova Njambi, nja huimine mutima na ku livua ku lembama kaha ka nja tualele naua mana ku vuvezi vuange. Kasi nje ku ivua ku vavala ca kama, vunoni ku vundila ce ku nji kuasa ku singanieka ha via cili. Kaha mu ve ku nji hula vantu vati njili na ku livua, nje ku va leka nguange, ‘vutuhu ku nja hindukile, vunoni njili mu ndzolela!’”

Vunoni ka tue ku vundila lika nga tu hita mu visoti via ku vavala ni cisoti cose-oco houe. Mua vusunga tu vose tue ku hita mu visoti, vi pue via kama ni via vindende tua tondeka ndzili ya ku vi vula. Vuno civundilo ci hasa ku kuasa ni?

Mbimbiliya nguayo: “Mbila citeli cove hali Yehova, kaha ikeye a ka ku kolesa: Ka li ka tava mukua vuviuke ku taliangela ku miaka yose ya ya-ye.” (Visamo 55:22) Mua vusunga, aa mezi eku kaniamesa cili. Vati honi ku vundila ci hasa ku mi kuasa? Nga mu vundila kuli Njambi kuliya na cizango ceni, a ka mi hana ndzili ya ku lua na visoti vienu.—Talenu cikasa “ Vukuasi vu tu Hasa ku Uana nga tu Vundila.”