MUA KU MANUSUILA VIZINDO
1 | Vianenu Kahangu
Vi ya Longesa Mbimbiliya:
“Njambi ka hangula ku vantu: Vunoni ku miyati yose, ou uose a mu vuila vuoma, kaha a linga vuviuke, ikeye ya na tava.”—VILINGA 10:34, 35.
Vi ca Lomboloka eci Cinimbu:
Yehova * Njambi ke ku tala ku cifuti, muyati, cisemua, cikanda ni likova. Vunoni ue ku tuala mana ku viuma via seho—vuntu vuetu. Muomu vantu ve ku tala cifua ca ha mbandza “vunoni Yehova a tala ku mutima.”—1 Samuele 16:7.
Vi mu Hasa ku Linga:
Ambe nga ka tua kele na vuhasi vua ku mona vili mu mitima ya vakuetu, tu hasa ku tambuluisa Njambi mu ku viana ku va muesa kahangu. Tua pande ku lihakela kapandi ka ku mona muntu ku muntu ngue mua fua mpundu. Kati ku mu tandela ku vilinga via mbunga. Nga mu nongonona ngecize ka mua lemene vamo vantu, halumo omo lia cisemua ni cifuti cavo, vundilenu kuli Njambi a mi kuase ku litundisa visinganieka viaco. (Visamo 139:23, 24) Nga mu pua na ku vundila Yehova a mi hane ngolo ya ku viana kahangu, kalenu na vusunga ngecize a ka kumbulula vivundilo vienu na ku mi kuasa.—1 Petulu 3:12.
^ cin. 6 Yehova, lia pua lizina lia Njambi.—Visamo 83:18.
“Ha ntsimbu ize, tele kanda nji ci tumame na umo cindele mu ku simutuila mu ciyulo . . . Nja pua honi mutamba ua vusoko vua cilemo mu mavu ose.”—TITUS
Halumo mu Hasa ku Lema Naua Evi
VINGILENU!
Kahangu—Vuno Nenu ka na mi Kuata Ni?
Vika vi hasa ku muesa ngecize netu tua kala na kahangu?
