1 | Vivundilo—“Mbilenu Cisoti Cenu Cose Kuli Ikeye”
MBIMBLIYA NGUAYO: “Mbilenu cisoti cenu cose kuli [Njambi], muomu ikeye a mi lela.”—1 PETULU 5:7.
Vi ca Lomboloka
Yehova Njambi ua tu lania tu pue na ku mu leka nkala visoti vie ku lemuuisa visinganieka na mutima uetu. (Visamo 55:22) Ka kua kele cisoti ca cindende cikuma ni ca kama cikuma mu ku ci tumbula mu vivundilo. Nga ca pua ca seho kuli yetu kaha ca pua ca seho kuli Yehova. Ku vundila ca pua cinanga ca seho mu ku uana ciyulo ca mu visinganieka.—Filipu 4:6, 7.
Vati ci Hasa ku Kuasa
Nga tuli na ku pinda na vuvezi vua mu visinganieka, tu hasa ku livua vulika. Kaha vakuetu ka ve ku ivuisisa vi tue ku lihita navio mu vutuntu. (Visimo 14:10) Vunoni nga tu vundila kuli Njambi na ku mu leka viose vi tue ku lihita navio mu vusunga, a ka tu halakana na cikeketima na ku tu ivuisisa. Yehova ue ku tu mona, a tantekeya ku vavala na visoti vie tue ku lihita navio. Ngeci ua tonda tu vundile kuli ikeye na ku mu leka viuma viose vie ku tu umisa mutima.—2 Mizimbu 6:29, 30.
Ku vundila kuli Yehova, ce ku kaniamesa lukulahelo luetu ngecize ue ku tu niunga. Ce ku tu lingisa ku livua ngue mua livuile mukua visamo ngueni: “Yove u na mono kayando kange: u na tantekeya muono uange mu lamba.” (Visamo 31:7) Ku tantekeya lika ngecize Yehova ue ku ivuisisa visoti vi tuli na ku lihita navio, ci hasa ku tu kuasa mua kama linga tu kolese. Vunoni ikeye ke ku tala ngoco ku visoti vietu. Ue ku tu kuasa ku uana ku lembezieka na ku kaniamesa ca mu Mbimbiliya. Ka kuesi ueka ue ku ivuisisa visoti vi tue ku lihita navio ku hiana Ikeye.
Halumo mu Hasa ku Lema Naua Evi
VUTALA VUA KANIUNGI
Vati mua Pande ku Vundila Linga Njambi a mi Halakane?
Tu hasa ku vundila kuli ikeye kuose oko kaha mu ntsimbu yose oyo, na lizi lia kama ni vene mu mutima. Kaha Yesu ua tu longesa vati tu hasa ku vundila.
ESSENTIAL BIBLE TEACHINGS
Vuno Njambi ue ku Ivua Vivundilo Viose Ni?
Vati co nga muntu a vundila na vutumbe vua ku vihia? Ni nga yala ue ku yandesa mpueyeni kaha lia mukuavo a lomba Njambi ngueni a mu vezikise?
VIHULA VI VE KU LINGA VAKUENDZE NA VAHUMBE
Omo lia Vika Nja Pande ku Vundila?
Vuno ku vundila ce ku tu lembamesa lika mutima ni ca kala na vukuasi vukuavo?
VUTALA VUA KANIUNGI
Vuno Njambi ue ku Halakana Vivundilo Vietu Ni?
Mbimbiliya ya tu hana vusunga ngecize Njambi ue ku halakana nga tu vundila mu cifua ca tonda.
YETU VEYA
Vundilenu Cilongesa
Simutuilenu ku tuala ha vihula via mu Mbimbiliya ni lilongesenu via vingi ku tuala ha Vakaleho va Yehova.
