“Vuangana Vuove vu Ize”—Civundilo ci ve ku Linga Vavengi
Nenu mua vundilaho laza linga Vuangana vua Njambi vu ize ni? Mu ku hita ca miaka, makulukazi a vantu ve ku vundila nguavo “Vuangana vuove vu ize.” Vika ve ku lingila civundilo caco? Muomu Yesu ua sikile vandongesi veni va pue na ku vundilila ku iza ca Vuangana vua Njambi.
Ha katete, vandongesi va Yesu ka vevuisisile vuino viose via va lekele Yesu ku tuala ha Vuangana. Ngeci tangua limo va mu ihuile nguavo: “Muangana, ku ntsimbu eyi ya vuovuno u ka hiluisa vuangana kuli Isaleli, ni?” Vunoni halumo va komokele cifua ca va kumbuluilemo Yesu. Muomu ka va hele mpundu cikumbululo ca cihula cavo. (Vilinga 1:6, 7) Vuno eci ca lomboloka ngecize, na umo uahi na pande ku tantekeya vika vua pua Vuangana vua Njambi ni tangua lika vu keza ni? Houe, citava tu vi tantekeye!
Vuno Vutala vu mi kuasa ku uana vikumbululo via vihula vi na hatako:
Vika tua tondekela Vuangana vua Njambi?
Iya Muangana ua Vuangana vua Njambi?
Tangua lika Vuangana vua Njambi vu ka sika mavu?
Vika vu ka puisamo Vuangana vua Njambi?
Omo lia vika mua pande ku hangula ku kuasa Vuangana vua Njambi mu ntsimbu ino?
Vika via pua Vuangana vua Njambi?
Halumo mu Hasa ku Lema Naua Evi
ESSENTIAL BIBLE TEACHINGS
Vika Vuangana vua Njambi?
Yesu mu ku ambulula ceni cose ua longesele via Vuangana vua Njambi ku hiana nkala cimpande. Mu vihita via miaka vandongesi veni va ambulula via ku iza ca vuangana vuaco.
