Muono Uenu ua ku Lutue ua Hitukila Hali Yenu Vavene
Imo miaka 3.500 ku nima, Yehova ua lekele vaze va kele na ku mu lemesa, viuma vi va pandele ku linga mangana va ka yoye muono ua cili ku lutue. Ngueni: “Nji na hake ku meso ove muono na ku-tsa, civezikiso na cisingo: ngoco vene hangula muono, linga u yoye, yove na mbuto yove.—Ndeutelonomi 30:19.
Linga va ka yoye muono ua cili ku lutue vantu va pandele ku linga cihangula ca ku sungama. Cihangula caco netu cikeco ca tu hana Njambi. Mbimbiliya ya tu leka vati tu hasa ku hangula muono ua cili ku lutue nguayo: “Mu ku lema Yehova Njambi yove, ku ononoka ku lizi lieni.”—Ndeutelonomi 30:20.
VATI TU HASA KU LEMA YEHOVA NA KU HAKALANA KU LIZI LIENI?
MU KU LILONGESA MBIMBILIYA: Linga mu leme Yehova, ha katete mua pande ku mu tantekeya vuino ku hitila mu Mbimbiliya. Mu ku lingamo, mu ka nongonona ngecize ua pua Njambi ua cilemo, kaha ua tonda mu yoye vuino. Ua mi lania mu ize kuli ikeye “muomu ikeye a mi lela.” (1 Petulu 5:7) Mbimbiliya ya kulahesa nguayo nga mu lihakela kapandi ka ku mu tantekeya “a ka suena kuli enu.”—Tiango 4:8.
KU PANGESA VI MUE KU LILONGESA: Ku halakana Njambi ca lomboloka ku kava vimamuna via tu hakela mu Mbimbiliya. Omo mu lingamo, Mbimbiliya nguayo “u ka vezikisa njila yove, na ngecize u ka pasuka ha luholo.”—Yehosua 1:8.